टीम मंगळवेढा टाईम्स । सोलापुरात दिवसेंदिवस करोनाबाधितांची संख्या ही वाढतच आहे. त्यातच आता आज रात्री 8 वाजता प्राप्त झालेल्या माहितीनुसार, करोनाबाधित 81 नव्या रूग्णांची भर पडली असून सहा जणांचा मृत्यू झाला आहे. त्यामुळे मृतांची संख्या आता 72 झाली आहे. तर एकूण रूग्णसंख्याही 748 वर पोहोचली आहे.(solapur corona updated)
आज सायंकाळी 268 जणांची चाचणी अहवाल प्राप्त होऊन त्यात 43 महिला व 38 पुरुषांना करोनाने बाधित केल्याचे दिसून आले. एकूण रूग्णसंख्येमध्ये 397 पुरूष आणि 341 महिलांचा समावेश आहे. मृतांमध्ये 45 पुरूष व 27 महिला आहेत. मात्र आतापर्यंत 321 रूग्ण करोनामुक्त झाले आहेत.
आतापर्यंत आढळून आलेले रूग्ण प्रामुख्याने शहरातील असून झोपडपट्ट्यांमध्ये राहणारे आहेत.
मयत व्यक्ती
मयत झालेली पहिली व्यक्ती जामगाव तालुका बार्शी परिसरातील ६६ वर्षीय पुरुष आहे. मयत झालेली दुसरी व्यक्ती जुना विडी घरकुल परिसरातील ६१ वर्षीय महिला आहे. मयत झालेली तिसरी व्यक्ती किडवाई चौक बेगमपेठ परिसरातील ५७ वर्षीय महिला आहे. मयत झालेली चौथी व्यक्ती शास्त्रीनगर परिसरातील ७२ वर्षीय पुरुष आहे. मयत झालेली पाचवी व्यक्ती भवानी पेठ परिसरातील वर्षीय ५४ पुरुष आहे. मयत झालेली सहावी व्यक्ती रविवार पेठ परिसरातील ७४ वर्षीय पुरुष आहे.
——————————
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
