मंगळवेढा टाईम्स वृत्तसेवा:-
बँक ऑफ बडोदाने तारण कर्ज दिलेल्या बेदाणा आणि हळदीची कोल्ड स्टोअरेजमधून परस्पर विक्री करण्यात आली होती. बँकेला 23 कोटी 12 लाख 74 हजारांचा गंडा घालण्यात आला होता. या प्रकरणात सहा जणांविरुद्ध कारवाई करण्यात आली होती. मात्र दोन जण अद्याप फरारी आहेत.
या प्रकरणात जिल्ह्यातील 8 कोल्डस्टोअरेज मालकांवर गुन्हा दाखल आहे. त्यापैकी साई अ‍ॅग्रोटेक कोल्ड स्टोअरेज आणि राधाकृष्ण कोल्ड स्टोअरेजचे दीपक मधुकर गुरव (कवठेएकंद) आणि बीएल कोल्ड स्टोअरेजचे मालक राहुल दिनेश मित्तल (माधवनगर) हे दोघेजण फरारी आहेत.
दरम्यान या प्रकरणी बँक आणि कोल्डस्टोरेजधारक यांच्यात मध्यस्थी करणार्‍या मुंबईतील सीएनएक्स कार्पोरेशन कंपनीच्या दोघांविरोधात गुन्हा दाखल असून जामिनासाठी त्यांनी न्यायालयात धाव घेतली आहे
पोलिसांनी माहिती दिलेली माहिती अशी बेदाणा व हळद मालावर बँक ऑफ बडोदाकडून तारण कर्ज दिले जाते. बँक, शेतकरी आणि कोल्ड स्टोअरेज यांच्यात समन्वयासाठी सीएनएक्स कॉर्पोरेशन या कंपनीची नियुक्ती करण्यात आली होती. या कंपनीने शेतीमालाची माहिती बँकेला दिली जाते. त्यानंतर कंपनीच्या अहवालानुसार संबंधित शेतकर्‍यांना बँकेकडून कर्ज उपलब्ध करून दिले जाते.
सन 2017 मध्ये मिरज व तासगाव तालुक्यातील 48 शेतकर्‍यांना बँकेकडून कर्जाचे वाटप करण्यात आले. त्यानुसार या शेतकर्‍यांचा शेतीमाल कोल्ड स्टोअरेजमध्ये ठेवण्यात आला होता. जानेवारी 2019 मध्ये बँकेने कोल्ड स्टोअरेजमधील तारण मालाची पाहणी केली होते. पण कोल्ड स्टोअरेजमध्ये बेदाणा व हळद नसल्याचे बँकेच्या निदर्शनास आले. त्यानंतर बँकेने संबंधित शेतकरी व कोल्ड स्टोअरजेकडे विचारणाही केली. माहिती देण्यास टाळाटाळ केल्यानंतर फसवणुकीचा गुन्हा दाखल करण्यात आला.
याप्रकरणी मुंबईतील सीएनएक्स कार्पोरेशन कंपनीच्या मुख्य कार्यकारी अधिकार निरुपमा पेंडूरकर, त्याच कंपनीचे पश्चिम विभागाचे प्रमुख अजित नारायण जाधव (रा. हसनी आश्रम, सांगली) यांच्यावर गुन्हा दाखल केल्यानंतर त्यांनी जामिनासाठी न्यायालयात धाव घेतली आहे.
अभ्युदया कोल्ड स्टोअरेजचे प्रद्युम्न बाळगौंडा पाटील (वसगडे), गोमटेश कोल्ड स्टोअरेजचे अनिल पारिसा सुगन्नावर (कुपवाड),लक्ष्मी अ‍ॅग्रो कोल्ड स्टोअरेजचे संचालक व भागीदार पवनकुमार आदिनाथ चौगुले (भोसे), जयपाल बाबू शिरगावे (गणेशवाडी, ता. शिरोळ), लखमगौंडा जिगौंडा पाटील (शेडबाळ, ता. अथणी), रूपाली वृषभनाथ शेडबाळे (मालगाव, ता. मिरज) यांच्यावर कारवाई करण्यात आली. त्यापैकी काहींनी बँकेचे 4 कोटी 96 लाख रुपये परत केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
