मंगळवेढा टाईम्स न्युज नेटवर्किंग ।
धार्मिक शिक्षणासाठी एका मदरशात येणाऱ्या ११ वर्षीय अल्पवयीन मुलीचा विनयभंग केल्याप्रकरणी मौलानावर एमआयडीसी पोलिसांनी विनयभंगाचा गुन्हा दाखल करुन त्याला अटक केली. मौलाना मोहम्मद उमर मोहम्मद हुस्सेन रझवी (वय ५३) असे आरोपीचे नाव आहे.
न्यायालयाने त्याला दोन दिवसांची पोलिस कोठडी सुनावली आहे. दरम्यान, या आरोपीने धार्मिक शिक्षणासाठी येणाऱ्या आणखी काही मुलींचाही विनयभंग केल्याचा संशय आहे. एका पीडित मुलीच्या वडिलांनी याबाबत पोलिसांत फिर्याद दिली असल्याचे वृत्त दिव्य मराठीने प्रसिद्ध केले आहे.
त्यानुसार त्यांची मुलगी दररोज सायंकाळी ७ ते ८ या वेळेत एका मदरशात धार्मिक शिक्षणासाठी जात असे. तिथे मुलेही यायची.
संशयित आरोपी मौलाना मोहम्मद उमर रझवी हा एक महिन्यापासून मदरशातील मुलांना लवकर सोडून देत असे आणि मुलींना मात्र जास्त वेळ थांबवून ठेवत होता.
पीडित मुलीला मांडीवर बसवणे, मिठी मारणे, गोल फिरवणे आणि तिच्या शरीराला व गुप्त भागांना वाईट हेतूने करत होता. पीडित मुलीने रविवारी सायंकाळी वडिलांना हा प्रकार सांगितला.
मौलाना मुळचा उत्तर प्रदेशाचा, २० वर्षांपासून शहरात
मौलाना मुळचा हा उत्तर प्रदेश येथील असून तो सोलापूर शहरात २० वर्षापासून राहत आहे. तो धार्मिक शिक्षण देण्याचे काम करतो. त्याच्याकडे ६ मुली व ८ मुले रोज शिक्षणासाठी येतात.
गेल्या काही दिवसांपासून तो मुलांना लवकर सोडून देत असे व मुलींना थांबवून घेत असे. पीडितेबरोबर असलेल्या इतर मुलींनाही त्याने वाईट पध्दतीने स्पर्श केला असल्याचे पोलिसांत दिलेल्या फिर्यादीत म्हटले आहे.
आरोपी म्हणतो, गलती हो गई, माफ करो, आगे से नही होगा
संतप्त वडील मुलीला घेऊन जाब विचारण्यासाठी मौलानाकडे गेले असता, त्याने ‘गलतीसे हुआ है, आगे से नही होंगा, इस बार माफ कर दो’ असे म्हणत माफी मागितली. या वेळी परिसरातील लोकही तिथे जमा झाले. त्यांनी मौलानाला जाब विचारण्याचा प्रयत्न केला.
घटनेची माहिती मिळताच एमआयडीसी पोलिसांनी तातडीने घटनास्थळी धाव घेत मौलानाला ताब्यात घेतले. या प्रकरणी आरोपी मौलाना मोहम्मद उमर रझवी विरुद्ध भारतीय न्याय संहिता २०२३ चे कलम ७४, ७८, पोक्सो कायदा २०१२ चे कलम ८, १०, १२ आणि बाल न्याय कायदा २०१५ च्या कलम ७५ अन्वये गुन्हा नोंद केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
