टीम मंगळवेढा टाईम्स।
तरुणावर हल्ला केलेल्या पिटबुल जातीच्या कुत्र्याच्या मालकावर मनुष्यवधाचा गुन्हा दाखल करावा, या मागणीसाठी शनिवारी ऑल इंडिया पँथर सेनेने ईश्वर गारमेंट कंपनीच्या आणि कुत्र्याच्या मालकाविरोधात जोरदार आंदोलन केलं.
तसेच कंपनीच्या मालकावर कारवाई न झाल्यास आंदोलन आणखी तीव्र करण्याचा इशारा, ऑल इंडिया पँथर सेनेन दिला आहे.
दरम्यान मंगळवेढा शहरातही मोकाट फिरणाऱ्या कुत्र्यांनी उच्छाद मांडला आहे राष्ट्रवादीचे कार्याध्यक्ष मुजमिल काझी यांनी आंदोलन करण्याचा इशारा दिला आहे.
सोलापुरात शुक्रवारी आसिफ मुल्ला या तरुणावर पिटबुल जातीच्या कुत्र्याने जीवघेणा हल्ला केला होता. यात तो तरुण गंभीर जखमी झाला असून त्याच्यावर सोलापुरातील शासकीय रुग्णालयातील अतिदक्षता विभागात उपचार सुरू आहेत.
पिटबुल कुत्र्याच्या या हल्ल्याची दखल घेत ऑल इंडिया पँथर सेनेन ईश्वर गारमेंट कंपनी विरोधात शनिवारी आंदोलन केलं. यावेळी संघटनेने आसिफ मुल्ला या तरुणाच्या कुटुंबियांना आर्थिक मदत करण्याची मागणी केली. तसेच कुत्र्याच्या मालकाविरोधात मनुष्यवधाचा गुन्हा दाखल करण्याचीही मागणी केली आहे.
मात्र ईश्वर गारमेंट कंपनीचे मालक नितीन अंबुरे सध्या सोलापुरात नसल्यामुळे त्यांच्याकडून कोणतही स्पष्टीकरण आलेलं नाही.
त्यामुळे नितीन अंबुरे यांच्यावर योग्य कारवाई नझाल्यास आंदोलन आणखी तीव्र करण्याचा इशारा ऑल इंडिया पँथर सेनेचे जिल्हा युवा महासचिव अजय प्रक्षाळे यांनी दिला आहे.
मंगळवेढ्यातील मोकाट कुत्र्यांचा बंदोबस्त करा
मंगळवेढा शहरातील अनेक मोकाट कुत्र्यांनी उच्छाद मांडला असून गेल्या काही महिन्यात कुत्रे चावल्यामुळे उपचारादरम्यान दोघांचा बळी गेला आहे. वेळीच नगरपालिका प्रशासनाने या मोकाट कुत्र्यांचा बंदोबस्त करावा.- मुझमिल काझी, राष्ट्रवादी कार्याध्यक्ष मंगळवेढा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
