कै.आण्णासाहेब पाटील यांच्या पुण्यतिथीनिमित्त मंगळवेढयात विविध कार्यक्रम; सामाजिक कार्याबद्दल ‘यांना’ पुरस्कार जाहीर

टीम मंगळवेढा टाईम्स ।

थोर मराठा आमदार कै.आण्णासाहेब पाटील यांच्या पुण्यतिथीनिमित्त आज गुरुवार दि.२३ मार्च रोजी मंगळवेढा तालुका व शहर मराठा महासंघाच्यावतीने विविध कार्यक्रमांचे आयोजन करण्यात आल्याची माहिती तालुकाध्यक्ष सचिन डोरले यांनी दिली.

आज गुरुवारी सायंकाळी ५.०० वा. श्री गणेश बालोदयान येथे कै.आण्णासाहेब पाटील यांच्या प्रतिमेचे पूजन करण्यात येणार असून यावेळी माजी नगरसेवक कै. दामोदर सुरवसे,

कॉंग्रेस कमिटीचे माजी जिल्हाध्यक्ष कै. मनोहर सावजी, संत दामाजी साखर कारखान्याचे माजी व्हा. चेअरमन रामचंद्र वाकडे, धनश्री परिवाराचे प्रमुख प्रा. शिवाजीराव काळुंगे,

माजी नगराध्यक्ष युवराज कलुबर्मे व मराठा महासंघाचे माजी उपाध्यक्ष विठ्ठल नागणे यांच्या संघटनेतील योगदानाबद्दल त्यांना समाजभूषण या पुरस्काराने गौरविण्यात येणार आहे.

यावेळी महाराष्ट्र लोकसेवा आयोगाच्या परिक्षेत उत्तुंग यश मिळविल्याबद्दल रोहित उत्तम भगरे प्रज्ञा दगडू फटे यांचाही सत्कार करण्यात येणार असून

सर्वानी या कार्यक्रमास उपस्थित रहावे असे आवाहन मराठा महासंघाचे शहराध्यक्ष आण्णा आसबे यांनी केले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.