टीम मंगळवेढा टाईम्स ।
एकात्मिक फलोत्पादन विकास कार्यक्रम सन २०२४-२५ अंतर्गत जिल्ह्यास शितगृह कोल्ड स्टोरेज या घटकास मान्यता देण्यात आली आहे. या घटकांतर्गत खर्चाच्या ३५ टक्के अनुदान शेतकऱ्यांना देण्यात येणार आहे.
सोलापूर जिल्ह्यातील सर्व प्रवर्गातील शेतकऱ्यांनी शितगृह अर्थात कोल्ड स्टोरेजसाठी महाडीबीटी पोर्टलवर अर्ज करावेत, असे आवाहन जिल्हा अधिक्षक कृषि अधिकारी दत्तात्रय गावसाने यांनी केले आहे.
शेतकरी, शेतकरी उत्पादक गट, भागीदारी संस्था, मालकी संस्था, नोंदणीकृत स्वयंसहाय्यता गट, नोंदणीकृत उत्पादक संघ (ज्यामध्ये कमीतकमी २५ सदस्य असतील), शेतकरी उत्पादक कंपनी यांना याचा लाभ घेता येईल.
वैयक्तिक शेतकरी, भागीदारी संस्था, मालकी संस्था, नोंदणीकृत स्वयंसहाय्यता गट (ज्यामध्ये किमान १५ सदस्य असतील), शेतकरी उत्पादक कंपनी, शेतकरी गट यांचेसाठी अर्थसहाय्य बँक कर्जाशी निगडीत असून परताव्याच्या स्वरुपात ते देय राहील.
अनुदान पुढीलप्रमाणे नविन शितगृह युनिट प्रकार-१ (एकसारख्या तापमानात राहणाऱ्या उत्पादनासाठी प्रति चेंबर २५० टन पेक्षा जास्त) ८ हजार रुपये प्रति मे. टन, ५००० मे. टन प्रति लाभार्थी,
शितगृह युनिट प्रकार-२ (एकापेक्षा अधिक उत्पादने व तापमानासाठी) (प्रति चेंबर २५० टन पेक्षा जास्त) कमीत कमी ६ चेंबर्स पेक्षा जास्त (प्रति चेंबर २५० टन पेक्षा कमी), १००० रुपये प्रति मे. टन, ५००० मे टन प्रति लाभार्थी,
शितगृह युनिट प्रकार-३ (नियंत्रित वातावरणासाठी नविन तंत्रज्ञान राबविणे) १०००० रुपये प्रति मे. टन, ५००० मे टन प्रति लाभार्थी. सर्व घटकासाठी खर्चाच्या ३५ टक्के जास्तीत जास्त ५० लाख रुपया पर्यंतचे अनुदान शेतकऱ्यांना मिळू शकते, असेही त्यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज