मंगळवेढा टाइम्स न्यूज नेटवर्क ।
मंगळवेढा तालुक्यातील आंधळगाव येथील पशुधन विकास अधिकारी डॉक्टर तानाजी भोसले यांची बदली झाल्याने पशुपालक नाराज असल्याचे चित्र आहे,
डॉक्टर तानाजी भोसले हे गेल्या तीन वर्षांपासून आंधळगाव येथील दवाखान्यात कार्यरत आहेत.
पशुपालकांना पशुउपचार सेवा देण्यासाठी सदैव तत्पर राहून सेवा बजावल्यामुळे पशु आरोग्य सेवेसाठी आंधळगाव भागात डॉक्टर भोसले हे देवदूत मानले जात आहेत.
योग्य उपचार सेवा, 24 तास पशुपालकांना उपलब्ध होणारे डॉक्टर म्हणून त्यांची ओळख आहे, आमदार समाधान अवताडे यांनी डॉक्टर भोसले यांची बदली रद्द करावी अशी मागणी तालुक्यातील शेतकरी बांधवांनी प्रसिद्धी माध्यमाद्वारे केली आहे.
दूध व्यवसायामध्ये गाईच्या दुधाला दरवाढ मिळाल्याने जवळपास आज शेतकरी कोट्यावधीच्या कर्जात आहे, आज दुधाचे दरही उतरले जात आहेत, अशा परिस्थितीत गेल्या वर्षापासून लंपी सारख्या त्वचारोगाने पशुपालकांचे मोठे नुकसान केले आहे.
लाखो रुपयाचे नुकसान सहन करावे लागले, तरीदेखील आंधळगाव परिसरातील जनावरांना योग्य उपचार देण्यासाठी सरकारी डॉक्टर असताना देखील 24 तास शेतकऱ्यांच्या संपर्कात असणारे कार्यतत्पर तानाजी भोसले डॉक्टरानी लंपी या आजारामध्ये देखील उपचारदरम्यान डॉक्टर भोसले यांनी उपचार सेवेत करिष्मा दाखविला.
आज तालुक्यामध्ये सव्वा लाखाच्या आसपास जनावरांची संख्या असून शेतकरी वर्गासाठी, सेवेसी एकनिष्ठ असणारे पशुवैद्यकीय डॉक्टर आवश्यक आहेत,अन्यथा योग्य उपचार नाही मिळाल्यास, शेतकऱ्यांचे मोठे नुकसान होण्याची शक्यता असते.
कोरोनाच्या दोन वर्षाच्या पूर्णता बंद असलेल्या काळात प्रत्येक शेतकऱ्याच्या दारापर्यंत जाऊन पशुंना योग्य उपचार देण्याचे काम डॉक्टर भोसले यांनी बजावले आहे.
वेळोवेळी सरकारी दवाखान्यातून मिळणाऱ्या लशीकरण कामात आग्रहाने माहिती सांगून आपली सेवा करीत असत,शेतकऱ्यांचे उत्पन्न वाढण्यासाठी मुक्त गोठ्याचे फायदे शिवाय जनावरांची निगा राखणे अशा महत्त्वपूर्ण माहितीसाठी शिबिर घेऊन डॉक्टर भोसले यांनी शेतकऱ्यांना प्रबोधन केले आहे,
सरकारी पशुवैद्यकीय डॉक्टर असले तरी आम्ही त्यांचे कौतुक करीत नाही, मात्र आपल्या कार्याला निष्ठेने जबाबदारीने आपली सेवा बजावणारे डॉक्टर भोसले यांनी जवळपास 900 ते 1000 मोठ्या जनावरावरती शस्त्रक्रिया करून जीवदान दिले आहे.
आपल्या सेवेत अनेक जंगली प्राण्यांचे देखील ऑपरेशन केले आहे, अशा अनुभवी डॉक्टर भोसले यांची बदली रद्द करून तालुक्यातील शेतकऱ्यांना पशु आरोग्य उपचार सेवेसाठी मदत व्हावी अशी मागणी आमदार अवताडे यांच्याकडे शेतकरी करीत आहेत.
एक लाखाहून अधिक मंगळवेढा तालुक्यात जनावरांची संख्या असताना, गेल्या तीन वर्षापासून तालुक्याला पशुसंवर्धन अधिकारी नाही,विस्तार अधिकाऱ्याचे पद रिक्त आहे, शिवाय डॉक्टर ब्रह्मानंद कदम यांची देखील करकंब येथे बदली झाली, त्यामुळे मंगळवेढा पशुधन विकास अधिकाऱ्यांची जागा रिक्त आहे.
मंगळवेढा तालुक्यात आंधळगाव येथे सेवा बजावणारे तानाजी भोसले यांची मंगळवेढा पशुधन विकास अधिकारी म्हणून बदली झाली तरी देखील शेतकऱ्यांना भोसले यांच्याकडून उपचार सेवेची मोठी मदत होणार आहे,
चांगल्या अधिकाऱ्याची शेतकऱ्यांना उणीव भासू नये, यासाठी भोसले यांची बदली रद्द होण्यासाठी पुढाकार घ्यावा अशी मागणी शेतकरी करीत आहेत. डॉक्टर भोसले यांची आंधळगाव येथून उत्तर सोलापूर वडाळा येथे बदली झाली आहे.
आमदार समाधान आवताडे यांनी यात लक्ष घालून डॉ भोसले यांची बदली रद्द करावी अशी मागणी पशुचालक करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज