टीम मंगळवेढा टाईम्स ।
हॉटेलची जागा खाली करण्यास सांगितल्यामुळे जागा मालकाच्या मुलाच्या कारला धडक देऊन खून केल्याप्रकरणी पंढरपूर येथील लक्ष्मी टाकळीतील पाच जणांविरोधात गुन्हा दाखल करण्यात आला आहे.
या घटनेत रविकांत प्रतापसिंह पाटील याचा मृत्यू झाला आहे. त्याच्या मृत्यूप्रकरणी परमेश्वर देठे , त्यांची दोन मुले रणजित व प्रशांत , पुतण्या नितीन दिगंबर देठे व हॉटेल कामगार विजय बलभीम कोळेकर ( रा . कोर्टी ) यांच्यावर तालुका पोलीस ठाण्यात गुन्हा दाखल झाला आहे.
पोलीस सूत्राकडील माहितीनुसार , परमेश्वर देठे यांचा लक्ष्मी टाकळी येथे वैभवराज धाबा आहे . जागेचे मालक प्रतापसिंह पाटील यांनी त्यांना कराराप्रमाणे दिलेली जागा खाली करण्याचे सांगितले होते. यावरून दोन्ही कुटुंबांत जोरदार वाद सुरू होता.
काही दिवसांपूर्वी देठे यांना मारहाणदेखील झाली होती . दरम्यान देठे यांनी रविकांत पाटीलवर पालत ठेवली होती.
मंगळवारी सकाळी रविकांत पाटील हे दुचाकी ( एमएच १३ सीएच ९ ६ ९ २ ) वरून देगावमार्गे सोलापूरकडे निघाले होते.
दरम्यान त्याच्यावर पाळत ठेवणाऱ्यांच्या कार ( क्र . एमएच १४ सीएस ७३५१ ) ने त्यास पाठीमागून जोरदार धडक दिली . या अपघातात २०० फूट फरपटत नेत अपघात असल्याचे भासवत खून केल्याचे फिर्यादीत म्हटले आहे.
चौकशीत अपघाताचा बनाव केल्याचे स्पष्ट …
तालुका पोलिसांनी घटनास्थळी धाव घेऊन पाहणी केली आणि प्रत्यक्षदर्शीकडून माहिती घेतली . या प्राथमिक चौकशीत हा अपघात नसल्याचा संशय पोलिसांना आला . याप्रकरणी कारचालक याच्याकडे चौकशी केली असता देठे व पाटील यांच्यातील वादाची माहिती पुढे आली .
अधिक तपासामध्ये हा खून झाला असल्याचे स्पष्ट झाल्यामुळे तालुका पोलिसांनी त्या पाच जणांविरोधात गुन्हा दाखल केला . या प्रकरणात त्यांना अटक करण्यात आली असून , पुढील तपास तालुका पोलीस निरीक्षक मिलिंद पाटील हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
