मंगळवेढा टाईम्स न्युज नेटवर्किंग ।
मंगळवेढा शहरात लोकसहभागातून उभा करण्यात आलेल्या छत्रपती शिवाजी महाराजांच्या अश्वारूढ पुतळ्याचे लोकार्पण सोहळा दि.26 ऑक्टोबरला होणार असून मुख्यमंत्री देवेंद्र फडणवीस, मराठा आंदोलक मनोज जरांगे पाटील व उपमुख्यमंत्री अजित पवार, एकनाथ शिंदे हे उपस्थित राहणार आहेत.
शहरांमध्ये अनेक संतांचे वास्तव लाभल्याने संताची भूमी म्हणून मंगळवेढा शहराची ओळख राज्यभर निर्माण झाली.अशा परिस्थितीत शहरात 360 वर्षांपूर्वी छत्रपती शिवाजी महाराज विजापूर स्वारीवर जात असताना शहरातील भुईकोट किल्ल्यामध्ये त्यांनी मुक्काम केला.
अशा पदस्पर्श झालेल्या झालेल्या नगरीमध्ये छत्रपती शिवाजी महाराजांचे अश्वारूढ पुतळा व्हावा ही येथील शिवभक्ताची मागणी होती त्यासाठी अनेक वेळा बैठका झाल्या परंतु त्याची अद्याप यश आले नाही.
आ.अभिजीत पाटील यांनी स्वखर्चातून पुतळा उभा करून देण्याचे आश्वासन दिले होते.
मात्र येथील मराठा बांधवांनी पुतळा उभारणीमध्ये सर्व समाज बांधवांचा सहभाग असावा या भावनेतून लोकसहभागातून उभा करण्याचा शेवटी निर्णय घेतला त्यानुसार तब्बल 31 लाख रुपये लोकसभागातून जमा करण्यात आले.
त्यातून छत्रपती शिवाजी महाराजांच्या 18 फुट उंचीची 4.5 टन वजनाची अश्वारूढ पुतळ्याची उभारणी मूर्तीकार महेंद्र धोपटे यांच्या संकल्पनेतून करण्यात आली गतवर्षी हा पुतळा पुण्यावरून आणून मंगळवेढा शहरात ठेवण्यात आला.
शेवटी सुशोभीकरणासाठी शासनाने 75 लाखाचा निधी उपलब्ध करून दिल्यानंतर याचे काम सुरू झाले.
नगरपालिका निवडणुकीपूर्वी छत्रपती शिवाजी महाराजांचा पुतळ्याचे लोकार्पण करण्याचा घाट येथील सकल मराठा समाज बांधवांनी घेतला त्या संदर्भात आ.समाधान आवताडे यांच्या अध्यक्षेतेखाली बैठक घेऊन मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे, यांच्याबरोबर मराठा आंदोलन मनोज जरांगे-पाटील, सार्वजनिक बांधकाम बांधकाम मंत्री शिवेंद्रराजे भोसले, खा. संभाजी राजे यांना या पुतळा लोकार्पण समारंभासाठी आमंत्रित करण्यावर एकमत झाले.
त्यानुसार सकल मराठा बांधवांनी आंतरवाली सराटी येथे जाऊन आंदोलन मनोज जरांगे-पाटील यांना याबाबतचे निमंत्रण देण्यात आले व त्यांनी या निमंत्रणाचा स्वीकार केला.
यावेळी सकल मराठा समाजाचे प्रतिनिधी म्हणून ज्ञानेश्वर कोंडूभैरी, वारी परिवाराचे अध्यक्ष सतीश दत्तू, प्राध्यापक विनायक कलुबर्मे आदी उपस्थित होते.
शहराच्या सौंदर्यामध्ये भर
लोकसहभागातून पुतळ्याची उभारणी केल्यामुळे शहराच्या सौंदर्यामध्ये भर झाली. पुतळ्यामुळे शहराला भेट देणाऱ्या बाहेर गावच्या नागरिकांच्या मनामध्ये आशादायक चित्र निर्माण करतील.अशा स्वरूपाची निर्माण केले आहेत. यामध्ये सर्व लोकांचा चांगला सहभाग मिळाला.- अजित जगताप, अध्यक्ष अश्वारूढ पुतळा समिती
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
