लक्ष्मीदहिवडी गटाचा चेहरा बदलणार! कृतज्ञता दौऱ्यातून सर्वांगीण विकासाचा शब्द; २१ गावांना भेट देऊन जनतेचे मानले आभार; करूणाताई शिवशरण यांचा झंझावाती दौरा

टीम मंगळवेढा टाइम्स ।

मंगळवेढा तालुक्यातील लक्ष्मी दहिवडी जिल्हा परिषद गटामध्ये तब्बल ४८०० मताधिक्याने दणदणीत विजय मिळवल्यानंतर नुतन जिल्हा परिषद सदस्या करूणा जनार्दन शिवशरण यांनी संपूर्ण मतदारसंघात आभार दौरा केला. आमदार समाधान आवताडे यांच्या नेतृत्वाखाली त्यांनी मतदारसंघातील सर्व २१ गावांना भेट देत मतदारांचे मनःपूर्वक आभार मानले.

या आभार दौर्‍यात शिवशरण यांनी कार्यकर्त्यांसह प्रत्येक गावात जाऊन मतदारांची सदिच्छा भेट घेतली. निवडणूक काळात दिलेल्या आश्वासनांची आठवण करून देत “मी दिलेल्या वचननाम्याशी बांधील आहे. मतदारांनी दाखवलेला विश्वास मी कामातून परतफेड करणार आहे,” असे त्यांनी स्पष्ट केले.

निवडणूक जिंकल्यानंतर लक्ष्मी दहिवडी गटात शिवशरण यांचे उत्साहात स्वागत करण्यात आले. अनेक ठिकाणी महिलांनी औक्षण करून त्यांचे अभिनंदन केले व पुढील वाटचालीस शुभेच्छा दिल्या. गावागावांत फटाक्यांची आतषबाजी, ढोल-ताशांच्या गजरात आणि जयघोषात त्यांचे स्वागत करण्यात आले.

यावेळी बोलताना करूणाताई शिवशरण म्हणाल्या की, “आमदार समाधान आवताडे यांच्या मार्गदर्शनाखाली लक्ष्मी दहिवडी गटाच्या सर्वांगीण विकासासाठी मी कुठेही कमी पडणार नाही.

मी फक्त बोलणार नाही, तर प्रत्यक्षात काम करून दाखवेन.” पाणीपुरवठा, रस्ते, शिक्षण, महिला सक्षमीकरण आणि शेतीविकास यांसारख्या मूलभूत प्रश्नांना प्राधान्य देणार असल्याचेही त्यांनी नमूद केले.

“सर्वांना हेवा वाटेल असे आदर्श काम मी माझ्या मतदारसंघात करून दाखवेन,” असा ठाम विश्वास व्यक्त करत त्यांनी विकासाची गती वाढवण्याचा निर्धार व्यक्त केला.

करूणाताई शिवशरण यांच्या या आभार दौर्‍यामुळे कार्यकर्त्यांमध्ये नवचैतन्य निर्माण झाले असून लक्ष्मी दहिवडी गटात विकासाच्या नव्या पर्वाची सुरुवात होणार असल्याची भावना नागरिकांमध्ये व्यक्त होत आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.