मंगळवेढा टाइम्स न्युज नेटवर्क ।
घरकुल लाभार्थींना मोफत वाळू पुरवण्यासाठी आता प्रशासनाने अजबच शक्कल लावली आहे. ओढ्यांमध्ये वाळूचा साठा केला जाणार असून, त्यानंतर प्रत्यक्षात लाभार्थीची मागणी किती आहे. त्याप्रमाणे त्यांना वाळूचा पुरवठा केला जाणार असल्याचे जिल्हाधिकारी आशीर्वाद यांनी सांगितले.
प्रधानमंत्री आवास योजनेसाठी प्रत्येक लाभार्थीना मोफत पाच ब्रास वाळू उपलब्ध करुन देण्याचा निर्णय राज्य सरकारने घेतला आहे. त्याच पार्श्वभूमीवर लाभार्थीना वाळू पुरवण्यासाठी जिल्ह्यातील ओढे व नाले या ठिकाणी वाळूचा साठा केला जाणार आहे
पुढील पंधरा दिवसात लाभार्थींना किती वाळू पाहिजे, याची माहिती घेऊन मोफत वाळू उपलब्ध करुन दिले जाईल, असे जिल्हाधिकारी म्हणाले.
मंगळवेढा तालुक्यातील बठाण येथील वाळू चोरीच्या प्रकरणामुळे तेथील ठेका रद्द करण्यात आला आहे. संबंधित ठेकेदाराचा ४० लाख रुपयांची अनामत रक्कमही जप्त करण्यात आली आहे.
यापूर्वी संबंधित ठेकेदाराची चौकशी करुन काही दिवसांसाठी वाळू उपशाला स्थगितीही देण्यात आली होती. ठेकेदाराने नियम न पाळल्याने ठेका रद्द करण्यात आला आहे. शिवाय जिल्ह्यातील ९ वाळू घाटांसाठी पुढील १५ दिवसात टेंडर प्रक्रिया राबवली जाणार आहे.
अखेर बठाण येथील वाळू ठेका रद्द, ठेकेदाराची ४० लाखांची अनामत रक्कम जप्त
बठाण (ता. मंगळवेढा) येथील वाळू ठेका रद्द करण्यात आला असून ठेकेदाराची ४० लाख रुपयांची अनामत रक्कमही जिल्हा प्रशासनाकडून जप्त करण्यात आली. बठाण येथील वाळू घाटावरुन नियमबाह्य वाळू वाहतूक होत असल्याच्या तक्रारी प्रशासनाकडे येत होत्या.
यावर प्रशासनाने काही दिवस वाळू उपसा बंद करण्याच्या सूचना दिल्या होत्या. त्यानंतर वाळू उपसा सुरु करण्यात आला होता. त्यानंतरही तक्रारी सुरुच होत्या.
त्यामुळे प्रशासनाने खात्री केली असता याठिकाणी नियमबाह्य वाळू उत्खनन होत असल्याचे निदर्शनास आले.
बठाण येथील वाळू गटातून बेसुमार वाळू उपसा होत असल्याच्या तक्रारी अनेकांनी केल्या होत्या. याबाबतीत मंगळवेढाचे तहसीलदार आणि प्रांताधिकारी यांनी त्याठिकाणी भेटी देवून तक्रारीच्या अनुषंगाने चौकशी केली असता वाळू धोरणाच्या नियमांचे उल्लंघन करुन वाळू उपसा होत असल्याचे निदर्शनास आले होते.
तसा अहवाल वरिष्ठ कार्यालयाला देण्यात आला होता. ज्या वाहनांना परवानगी नाही अशा वाहनातून वाळू उपसा केला जात होता. सीसीटीव्ही लावण्यात आले नव्हते.
नव्या वाळू धोरणानुसार वाहनाना पिवळा रंग देणे अपेक्षित होते. मात्र तो दिसून आला नाही. या सर्व बाबींचा विचार करुन संबधित वाळू ठेका कायमस्वरुपी रद्द करण्याचे आदेश देण्यात आले. तसेच ठेकेदारांची अनामत रक्कम जप्त करण्यात आली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
