मंगळवेढा टाईम्स न्युज नेटवर्क । समाधान फुगारे
आई-वडिलांना सांभाळा, त्यांची काळजी घ्या, अन्यथा वारसा नोंद रद्द करण्यात येईल, अशा पद्धतीचा निर्णय मंगळवेढा तालुक्यातील संत दामाजी नगर ग्रामपंचायतीने घेतला आहे.
शिवाय नवीन वारसा नोंद करताना देखील आई-वडिलांची काळजी घेईन, तसे न केल्यास कारवाईस पात्र राहिन, असे प्रतिज्ञापत्र देखील लिहून घेतले जाणार आहे. इतकेच नाही तर वीज, पाणी या मूलभूत सुविधा देखील न पुरवण्याचा निर्णय ग्रामपंचायतीने घेतला आहे.
संत दामाजीनगर ग्रामपंचायतीला सामाजिक सुधारणांची परंपरा आहे. या निर्णयामुळे चुकीच्या पद्धतीने वागणाऱ्या मुलांना चाप बसेल, उतार वयामध्ये कुणीही आपल्या आई-वडिलांना दूर करणार नाही, यासाठी या ग्रामपंचायतीने निर्णय घेतला आहे. या निर्णयाचं ग्रामपंचायतीचं संपूर्ण जिल्हाभर कौतुक होत आहे.
खरेदी विक्री संघाचे चेअरमन सिध्देश्वर आवताडे यांच्या प्रमुख उपस्थितीत व सरपंच जमीर सुतार यांच्या अध्यक्षतेखाली संत दामाजी नगर ग्रामपंचायतीची ग्रामसभा आज पार पडली.
या ग्रामसभेत आई-वडिलांचा सांभाळ न करणाऱ्या मुलांची वारस नोंद न करण्याबाबत, सुविधा-लाभ देणेबाबतचा व जल जिवन योजने अंतर्गत होणाऱ्या पाणीपुरवठा साठी लागणाऱ्या विद्युतसाठी सौर ऊर्जा वापर करणेबाबतचा ठराव करण्यात आला. हा ठराव सर्वानुमते मंजूर करण्यात आला.
तसेच संत दामाजीनगर मधील आंगनवाडी यांना कपाट, टेबल, खुर्ची, खेळनी साहित्य चेअरमन सिध्देश्वर आवताडे यांच्या हस्ते वाटप करणेत आले.
याप्रसंगी सरपंच जमीर सुतार, ग्रा. पं सदस्य लक्ष्मण गायकवाड, अण्णासाहेब आसबे, संजय माळी, सोमनाथ शिंदे, नंदा ओमणे, तंटामुक्ती अध्यक्ष ज्ञानदेव जावीर, पा.पु-स्व समिती अध्यक्ष दिलीप उगाडे,
संत चोखामेळा नगर ग्रा.पं.सदस्य विशाल जाधव, ग्रामविकास अधिकारी, कृषि व पशुसंवर्धन विभाग अधिकारी तसेच ग्रामस्थ विजय जावळे, उमेश ढगे, लक्ष्मण बाबर, ज्ञानेश्वर वाघमारे, वैभव खराडे, डॉ. तळ्ळे, शिवाजी भोसले सर, बबन माने सर, मोटे साहेब, शौकत मुलाणी, दीपक पाटील आदी ग्रामस्थ उपस्थित होते.
काय आहे ठराव?
कौटुंबिक जीवनात आई-वडिलांना न सांभाळता त्याचीच वारस मुले मुली आपल्या स्वत:च्या जीवनात व्यस्त असतात. विशेष म्हणजे वडिलोपार्जित प्रॉपर्टीचा उपभोग घेत असतात पण आई-वडिलांना मात्र घरातून बाहेर काढून किंवा विभक्त ठेवून म्हातारपणी त्यांच्या पालणपोषणाकडे पूर्णत: दुर्लक्ष करुन आजारपणातही आर्थिक जबाबदारी न घेता त्यांच्याची आपले जणून काही नातेच नाही अशाप्रकारे त्यांचे वारस आज सर्व प्रकारच्या भौतिक सुविधा उपभोगतात,
परिणामी म्हातारपण हा शाप ठरला असून म्हातारपणातील वयात आईवडिलांना जगणे मात्र मुश्कील झाले आहे. त्यामुळे जो मुलगा अगर मुले आपल्या आई वडिलांनी सांभाळत नाहीत त्या मुलांना आई बापांच्या नावावरील संपत्तीचे वारस होता येणार नाही, जे मुले आणि मुली आई वडिलांना सांभाळतील त्यांनाच बापाच्या वडिलोपार्जित प्रॉपर्टीचे वारस म्हणून हक्क मिळावे, असे वारस नोंदीसाठी येणाऱ्या व्यक्तीकडून प्रतिज्ञापत्र घेतले जाईल.
मी माझ्या आई-वडिलांचा सांभाळ करेन, मी त्यांना दवाखाना किंवा आरोग्याच्या बाबतीत इतरत्र कोणतीही कमतरता भासू देणार नाही, मी माझ्या कर्तव्याचे पालन करेन, माझ्याकडून या सर्व गोष्टीचे पालन झाले नाही अशी तक्रार आली किंवा शेजारच्यांकडून माहिती घेतल्यानंतर माझ्या कर्तव्यात कसूर झाल्याचं आढळल्यास ग्रामपंचायत दप्तरी असिसमेंटला लागलेले नाव तात्काळ कमी करण्यात यावं. माझ्या घरी असलेले नळ कनेक्शन कट करण्यात यावे. त्याबाबत मी कोणीही कोणतीही तक्रर करणार नाही असा मसुदा प्रतिज्ञापत्रात असेल.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
