टीम मंगळवेढा टाईम्स ।
युटोपियन शुगर्स लि.पंतनगर, कचरेवाडी या साखर कारखान्याने गळीत हंगाम 2020-21 मध्ये गाळप केलेल्या ऊसास रुपये 50 प्रति मे.टन प्रमाणे होणारी रक्कम ऊस उत्पादकांच्या बँक खात्यावर जमा केली असल्याची माहिती चेअरमन उमेश परिचारक यांनी दिली.
युटोपियन शुगर्स ने गळीत हंगाम 2020-21 मध्ये 5 लाख 3 हजार 813 मे.टन ऊसाचे गाळप केलेले आहे. सदर गळीतास आलेल्या ऊसाचे प्रति मे.टन रुपये 50 प्रमाणे एकूण
होणारी रक्कम रुपये 2 कोटी 51 लाख 90 हजार 665 ऊस उत्पादक शेतकऱ्यांच्या बँक खात्यात दि.03/09/2021 रोजी जमा करण्यात आली आहे.
ऊस उत्पादकांना ऊसाचे पिक चांगल्या पध्दतीने वाढवण्यासाठी कोरोना रोगाच्या आर्थिक अडचणीमध्ये शेतकऱ्यांची आर्थिक गरज ओळखून पांडूरंग परिवाराचे कुटूंबप्रमुख स्व.सुधाकरपंत परिचारक यांनी घालून दिलेल्या
आदर्श वाटचालीनुसार युटोपियन कारखाना वाटचाल करत असल्याचे यावेळी चेअरमन उमेश परिचारक यांनी सांगितले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज