मंगळवेढा टाईम्स ऑनलाईन । सध्या सोलापूर शहरात व ग्रामीण भागात कोरोनाने मोठ्या प्रमाणात डोके वर काढले असून कोरोनावर आला घालण्यासाठी सोलापूरचे जिल्हाधिकारी मिलिंद शंभरकर यांनी कठोर पावले उचलली आहेत. सोशल डिस्टन्स पाळणे, सार्वजनिक ठिकाणी दारू, पान, तंबाखूचे सेवन न करणे ,चेहऱ्यावर कायम रुमाल/मास्क वापरणे यासोबतच वाहतुकीची शिस्त व मास्क वापरा संदर्भात त्यांनी नवीन आदेश लागू केला आहे.
दुचाकीवर फक्त एका व्यक्तीला प्रवास करण्यास परवानगी दिली असून तीन व चार चाकी वाहनात एक चालक व दोन व्यक्तींना प्रवासासाठी परवानगी देण्यात आली आहे. दुकानात साठ वर्षावरील मालक अथवा नोकर आढळल्यास ते दुकान सात दिवसांसाठी सील करण्याचाही आदेश जिल्हाधिकारी मिलिंद शंभरकर यांनी दिला आहे.
मास्क न वापरल्यास शंभर रुपये, जिल्हा प्रशासनाने ठरवून दिलेल्या वेळे व्यतिरिक्त दुकाने सुरू राहिल्यास त्यांना एक हजार रुपयांचा दंड केला जाणार आहे. त्या दुकानाला दोन वेळा दंड झाल्यास तिसऱ्या वेळी दुकानाचा परवाना पंधरा दिवसांसाठी निलंबित करण्यात येणार आहे.दुकानांमध्ये पाचपेक्षा अधिक व्यक्ती आढळल्यास पाचशे रुपये आणि दुसऱ्यांदा उल्लंघन केल्यास हजार रुपयांचा दंड आकारण्यात येणार आहे.
तीन व चार चाकी वाहनात तीन पेक्षा अधिक व्यक्तींनी प्रवास केल्यास पाचशे रुपयांचा दंड वाहनचालकास होणार आहे. दुचाकीवर दोघांनी प्रवास केल्यास वाहनचालकास पाचशे रुपयांचा तर तिघांनी प्रवास केल्यास साडेसातशे रुपयांचा दंड आकारण्यात येणार असल्याची माहिती जिल्हाधिकारी शंभरकर यांनी दिली.
सोशल डिस्टन्सचे योग्यरीतीने पालन न केल्यास एक हजार रुपयांचा दंड, सार्वजनिक ठिकाणी थुंकल्यास दोनशे रुपयांचा दंड, सोशल डिस्टंसिंग पालन न केल्यास प्रत्येकी शंभर रुपयांचा दंड, सार्वजनिक ठिकाणी दारू, पान, तंबाखूचे सेवन केल्यास पाचशे रुपयांचा दंड केला जाणार आहे. दुकानदार/व्यावसायिक/फिरत्या फळे व भाजी विक्रेत्यांनी मास्क न वापरल्यास त्यांना शंभर रुपयांचा दंड करण्याची सूचना जिल्हाधिकारी मिलिंद शंभरकर यांनी या केली आहे.
If the owner is over sixty years old, the servant seals the shop for seven days,Order issued by Solapur District Collector milind shambharkar
—————————
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
