टीम मंगळवेढा टाईम्स ।
पत्नीच्या चारित्र्यावर संशय घेऊन नवऱ्याने पत्नीचा गळा दाबून हत्या केल्याची धक्कादायक घटना सोलापूर जिल्ह्यातील माढ्यात घडली आहे. एवढंच नाहीतर पत्नी प्लॉट नावावर करत नाही म्हणून पतीने हे कृत्य केले आहे. या प्रकरणी तिघांना अटक करण्यात आली आहे.
प्लॉट नावावर करुन देण्याच्या मागणीसह चारित्र्यावर संशय घेत विवाहितेचा गळा दाबून खून केल्याप्रकरणी माढा पोलिसात नवरा, सासू आणि सासरा अशा तिघांवर खूनाचा गुन्हा दाखल करण्यात आला आहे. ही घटना माढ्यातील शुक्रवार पेठेत शुक्रवारी रात्री साडेदहाच्या सुमारास घडली. सना इरफान मोमीन (वय २७) असे मयताचे नाव असून इरफान रजाक मोमीन, रजाक मकबूल मोमीन, आसिया रजाक मोमीन अशी गुन्हा दाखल झालेल्या आरोपींची नावे आहेत.
याप्रकरणी मिळालेली माहिती अशी की, मयत सना (व २७ रा.मोमिन गल्ली, शुक्रवार पेठ. माढा) हिचे लग्न इरफान रजाक मोमीन याच्या बरोबर झाले होते. लग्नानंतर दोन महिन्यापासून तिला सासरी नवरा इरफान रजाक मोमीन, सासरा रजाक मकबूल मोमिन, सासू आशिया रजाक मोमीन यांनी दोन महिने व्यवस्थित नांदून घेतले. त्यानंतर, तुझ्या आई-वडिलांनी लग्नामध्ये आम्हाला काहीही दिले नाही.
मानपान केला नाही म्हणत तिचा छळ सुरू केला. तर उस्मानाबाद येथील प्लॉट आमच्या नावावर कर असे म्हणत तिच्या चारित्र्यावर संशय घेऊन वेळोवेळी मारहाण केली. त्यानंतर सतत तिचा मानसिक व शारीरिक छळ सुरू होता. शुक्रवारी रात्री साडेदहाच्या सुमारास तिचा नवरा इरफान रजाक मोमिन याने सनाचा गळा दाबून जीवे मारले.
अशी फिर्याद मयताचे वडील महंमदमुसा गुलामदस्तगीर अन्सारी (व ५२. रा. शालिमार कॉलनी एम.आय. डि. सी. उस्मानाबाद) यांनी दिली आहे. या प्रकरणाचा अधिक तपास पोलिस उपनिरीक्षक किरण घोंगडे हे करत आहेत.
Solapur Murder of a married woman by her husband on suspicion of character
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
