धक्कादायक : सोलापूर जिल्ह्यातील ‘या’ गावात 22 दिवसाच्या मुलाचा कोरोनाने मृत्यू

टीम मंगळवेढा टाईम्स । सोलापूर जिल्ह्याच्या ग्रामीण भागात कोरोनाचा विळखा अतिशय घट्ट होऊ लागला आहे. बाधितांची व मृत्यूंची संख्या दिवसेंदिवस वाढतच चालली आहे. शनिवारी तर बार्शी तालुक्यातील घाणेगाव येथील केवळ २२ दिवसाच्या मुलाचा कोरोनाने बळी घेतला आहे. त्यामुळे केवळ वृद्ध व्यक्तींच कोरोनाचा सर्वाधिक धोका आहे असे म्हणणे या मृत्यूने विफल ठरविले आहे.

शनिवारी 2 हजार 940 नागरिकांची तपासणी करण्यात आली. त्यामध्ये 2 हजार 487 व्यक्तींचा अहवाल निगेटिव्ह आला तर 453 जणांचे अहवाल पॉझिटिव्ह आले आहेत. त्यामध्ये 277 पुरुष व 176 स्त्रियांचा समावेश आहे. त्याचबरोबर शनिवारी कोरोनामुळे 11 जणांचा मृत्यू झाला आहे. त्यात सहा पुरुष आणि पाच महिलांचा समावेश आहे.

जिल्ह्यातील कोरोनाबाधितांचा आकडा आता 20 हजार पार झाला आहे. शनिवारी आलेल्या अहवालानुसार आतापर्यंत बाधित झालेल्यांची संख्या 20 हजार 378 एवढी झाली आहे तर आतापर्यंत 561 जणांचा कोरोनामुळे जिल्ह्याच्या ग्रामीण भागात मृत्यू झाला आहे.

रुग्णालयात अद्यापही 6 हजार 782 जणांवर उपचार सुरू असून 13 हजार 35 जण कोरोनामुक्त होऊन घरी सुखरूप परतले आहेत.

शनिवारी ‘या’ गावात 11 मृत्यू

बार्शी तालुक्यातील घाणेगाव येथील 22 दिवसाचे लहान मुल,मंगळवेढा तालुक्यातील रेड्डे येथील 60 वर्षाची महिला, उडणवाडी (ता. सांगोला) येथील 55 वर्षाचे पुरुष, म्हसोबा गल्ली माढा येथील 55 वर्षाची महिला, खुनेश्‍वर (ता. मोहोळ) येथील 75 वर्षाचे पुरुष,

तर पंढरपूर तालुक्यातील गोपाळपूर येथील 70 वर्षाची महिला, फुलचिंचोली (ता. पंढरपूर) येथील 81 वर्षाचे पुरुष, हिंगणी (ता. बार्शी) येथील 55 वर्षाची महिला, उंबरे दहिगाव (ता. माळशिरस) येथील 65 वर्षांचे पुरुष, नांदणी (ता. बार्शी) येथील 90 वर्षाची महिला तर पटवर्धन कुरोली (ता. पंढरपूर) येथील 75 वर्षांच्या पुरुषाचा शनिवारी कोरोनामुळे मृत्यू झाला आहे.

Solapur Barshi taluka Ghanegaon Corona has killed a 22-day-old boy

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.