मंगळवेढा टाईम्स न्युज नेटवर्क।
इन्स्टाग्राम अकाउंटवर संदेश लिहिलेले दोन फोटो शेअर करून २१ वर्षीय रील स्टार तरुणाने राहत्या घरात दोरीने गळफास घेऊन आत्महत्या केली. हा धक्कादायक प्रकार शेळगी परिसरातील मित्र नगरात बुधवारी दुपारी पावणेदोनच्या सुमारास उघडकीस आला.
प्रज्वल बसवराज कैनुरे (रा. मित्र नगर, शेळगी, सोलापूर) असे या तरुणाचे नाव आहे. ‘आज हम है, कल हमारी याद होगी’ असा संदेश त्याने फोटोवर ठेवला आहे.
बुधवारी दुपारी पावणेदोनच्या सुमारास प्रज्वल याने घरामध्ये गळफास घेतल्याचे त्याच्या घरामधील नातलगांना आढळून आले. भाऊ रोहित याने नातलगांच्या मदतीने त्याच्या गळ्याचा फास सोडवून खाली उतरवले.
मार्केट यार्डात करायचा काम
प्रज्वल हा मार्केट यार्ड येथे काम करत होता. शिवाय तो सोशल मीडियावर स्वतःचे रील तयार करून पोस्ट करीत होता. तो अविवाहित होता. त्याच्या पश्चात आई आणि एक लहान भाऊ असल्याची माहिती नातेवाइकांनी दिली.
सॉरी पब्लिक, माफ करा पोस्ट
आत्महत्येपूर्वी प्रज्वलने मेसेज लिहिलेले दोन फोटो आपल्या इन्स्टाग्राम अकाउंटवर शेअर केले होते. पहिल्या फोटोमध्ये ‘आज हम हे, कल हमारी यादे होगी, जब हम ना होगे तब हमारी बाते होगी.!!’
तर दुसऱ्या फोटोमध्ये, सॉरी पब्लिक, माफ करा मित्रांनो, खूप मोठा निर्णय घेतला आहे मी… माझ्या आईची, माझ्या भावाची काळजी घ्या, हीच माझी इच्छा आहे.!!” अशी पोस्ट केली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
