रेनबो किड्स इंग्लिश मिडीयम स्कूलमुळे सलगर परिसरातील सर्व विद्यार्थ्यांना गुणवत्तापूर्ण शिक्षण मिळणार, उद्याच्या उज्वल पिढीला साक्षरतेचे पैलू पडतील; आ.समाधान आवताडे यांचे गौरोउद्गार

टीम मंगळवेढा टाईम्स ।

मंगळवेढा तालुक्यातील दक्षिण भागात रेनबो किड्स इंग्लिश मिडीयम स्कूलमुळे सलगर परिसरातील सर्व विद्यार्थ्यांना गुणवत्तापूर्ण शिक्षण मिळणार असल्याचे प्रतिपादन आमदार समाधान आवताडे यांनी केले आहे. ते सलगर बुद्रुक येथे रेनबो इंग्लिश मीडियम स्कूलच्या उद्घाटन कार्यक्रमाप्रसंगी बोलत होते.

सलगर बुद्रुक येथे डॉक्टर विजय धायगोंडे व डॉक्टर सुनिता धायगोंडे तसेच गावचे माजी सरपंच शिवशंकर धायगोंडे या धायगोंडे कुटुंबाकडून सलगर बुद्रुक ते सलगर खुर्द रस्त्या लगत रेन्बो इंग्लिश मीडियम स्कूल या इंग्रजी माध्यमाच्या शाळेची निर्मिती करण्यात आली आहे.

या शाळेचे उद्घाटन आमदार अवताडे यांच्या हस्ते ठेवण्यात आले होते. त्यादरम्यान इंग्रजी माध्यमाच्या शाळेच्या उद्घाटन प्रसंगी आमदार समाधान आवताडे बोलत होते.

ज्ञान, संस्कार आणि संस्कृती यांचे भरणपोषण करण्याचे क्रांतिदूत माध्यम असणाऱ्या रेनबो किड्स इंग्लिश मिडीयम स्कूल या शिक्षण सेवेतून उद्याच्या उज्वल पिढीला साक्षरतेचे पैलू पडतील असा विश्वास आमदार महोदय यांनी यावेळी बोलताना व्यक्त करुन सर्वांना शुभेच्छा दिल्या.

या कार्यक्रमाचे अध्यक्ष म्हणून सोलापूर जिल्हा परिषदेचे माजी उपाध्यक्ष दिलीप चव्हाण होते. याप्रसंगी सलगरचे सरपंच सुदाम कदम, सोलापूर जिल्हा परिषदेचे माजी सदस्य पांडुरंग कांबळे, उपसरपंच कुमार स्वामी, आसबेवाडीचे सरपंच शाम आसबे, आसबेवाडीचे पोलीस पाटील महेश आसबे, वसंत आसवे सर, लवंगीचे सरपंच पूनम हुवाळे, माजी सरपंच अप्पा माने,

मुक्ताई मतिमंद मुलाचे बालगृह संस्थापक अध्यक्ष शिवाजी जाधव, माजी सरपंच विठ्ठल सरगर, जंगलगी सरपंच आमसिद्ध चौखंडे, उपसरपंच चंद्रकांत चौखंडे, माजी सरपंच राजकुमार बिराजदार, पौटचे सुरेश निमंगरे, माजी सरपंच राजाराम निमंगरे, सलगरचे माजी सरपंच तानाजी जाधव,

तंटामुक्त अध्यक्ष दत्ता टिक्के, डॉ.नितीन बिराजदार विद्या मंदिर हायस्कूलचे मुख्याध्यापक अशोक जाधव, जिल्हा परिषद शाळेचे मुख्याध्यापक सिद्धाप्पा बिराजदार, विठ्ठल बिराजदार,

शिक्षण प्रसारक मंडळ सचिव सुशील मेनगुदली, व नवजीवन मल्टीस्पेशालिटी हॉस्पिटल मंगळवेढा सर्व डॉक्टर पदाधिकारी कर्मचारी आदीजन उपस्थित होते.

म्हैसाळ योजनेतून पाणी मिळवण्यासाठी आमदार अवताडे यांचा निर्धार

म्हैसाळ उपसा सिंचन योजनेच्या लाभक्षेत्रात मंगळवेढा तालुक्यातील 19 गावांचा समावेश आहे या 19 गावांना 1.27 टीएमसी पाणी मंजूर आहे.पण दुर्दैवाने फक्त. 25 टीएमसी एवढेच पाणी माझ्या मंगळवेढा तालुक्यातील 19 गावातील शेतकऱ्यांना मिळत आहे.

बाकी उर्वरित एक टीएमसी पाणी कुठे जाते याचा मी तपास काढला असून ते एक टीएमसी पाणी माझ्या मतदारसंघातील 19 गावांना दिल्याशिवाय मी शांत बसणार नाही असे मत आमदार समाधान दादा अवताडे यांनी मांडले.

ते पुढे बोलताना म्हणाले की, दक्षिण मंगळवेढ्यातील 19 गावांचा म्हैसाळ उपसा सिंचन योजनने मध्ये समावेश आहे.या गावांना 19 टीएमसी पाणी उपलब्ध असताना काही तांत्रिक व राजकीय अडचणी पोटी मंजूर असलेले पाणी सदरच्या गावाला मिळत नाही.हे पाणी कुठे मुरतंय याचा शोध घेऊन या संदर्भामध्ये राज्याचे जलसंपदा मंत्री मुख्यमंत्री यांच्याशी मी या विषयावर चर्चा केली आहे.

जत तालुक्यातील खैराव या गावातून मंगळवेढा तालुक्याला साडेचारशे क्यू सेक्स या दाबाने पाणीपुरवठा होण्याऐवजी अडीचशे क्युसेक्स नेच पाणीपुरवठा होत आहे. त्यामुळे 1.27 टीएमसी ऐवजी पॉईंट पंचवीस टीएमसी पाणी मंगळवेढ्यातील गावांना मिळत आहे.

खैराव येथील कॅनल मधून पुरेशा साडेचारशे क्यूसेक्स दाबाने पाणी सोडल्याशिवाय मंगळवेढ्यातील 19 गावांना पाणी मिळणार नाही. त्यासाठी आराखड्यात बदल करून बंद पाईपलाईन द्वारे मंगळवेढा तालुक्यातील पडळकरवाडी,शिरनांदगी,लवंगी,मारोळी ही चार तलावे भरण्यासाठी नवीन आराखडा बनवण्याचे काम सुरू आहे.

आराखड्याचे काम झाल्यानंतर त्या संदर्भात वर्क ऑर्डर काढून हे काम जलद गतीने करून घेऊन सदरच्या गावातील दुष्काळ कायमस्वरूपी मिटवण्याचा मी प्रयत्न करत आहे.

दरम्यान मागील 60 ते 65 वर्षाच्या विकासाचा बॅकलॉग भरून काढायचा असेल तर मला आणखीन काही वर्षांची संधी आवश्यक आहे.मी आमदार होऊन आत्ता तीन-चार वर्षे झाले आहेत.या तीन ते चार वर्षात चार हजार कोटी रुपयांचा निधी आपल्या मतदारसंघात आणला आहे.तरीपण अजूनही विकास संपूर्ण झालेला नाही.

मायबाप जनतेचे आशीर्वाद पाठीशी असल्याने पंढरपूर मंगळवेढा मतदारसंघाचा विकास राज्यामध्ये अग्रगण्य करण्यात माझा भर राहील असे मत अवताडे यांनी मांडले.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.