मंगळवेढा टाईम्स न्युज नेटवर्क ।
सोलापूर येथील पुण्यश्लोक अहिल्यादेवी होळकर सोलापूर विद्यापीठाने ‘एन प्लस टू’च्या विद्यार्थ्यांसाठी दिलासादायक निर्णय घेतला आहे. यामुळे आता या विद्यार्थ्यांना पदवी व पदव्युत्तर पदवी अभ्यासक्रम पूर्ण करण्यासाठी आणखी एक वर्षाची अतिरिक्त संधी मिळणार आहे.
‘एन प्लस टू’च्या विद्यार्थ्यांचा प्रश्न सोडविण्यासाठी अनेक महाविद्यालये व विद्यार्थ्यांनी विद्यापीठ प्रशासनाकडे निवेदने सादर केली होती. त्यामुळे हा महत्त्वाचा प्रश्न सोडविण्यासाठी
विद्यापीठाचे प्रभारी कुलगुरू डॉ. रजनीश कामत यांनी प्र- कुलगुरू डॉ. गौतम कांबळे यांच्या अध्यक्षतेखाली सहा जणांची समिती नेमली. सचिव म्हणून विद्यापीठाचे कायदा अधिकारी जे. एम. खरेदी यांनी काम पाहिले.
विद्यापीठ अनुदान आयोगाच्या निर्देशानुसार, पुण्यश्लोक अहिल्यादेवी होळकर सोलापूर विद्यापीठाने सर्व संलग्नित महाविद्यालयांना कोणतीही पदवी व पदव्युत्तर पदवी ही विहीत कालावधीत म्हणजे अभ्यासक्रम पूर्ण
करण्यासाठी लागणारा कालावधी आणि त्यानंतर दोन वर्षे कालावधीमध्ये पूर्ण करावी लागेल, असे कळवून त्या संदर्भातील मार्गदर्शक सूचना पाठविल्या होत्या.
विनंतीला सकारात्मक प्रतिसाद
मात्र, काही विद्यार्थ्याचे आपल्या पदवी व पदव्युत्तर पदवीचे अभ्यासक्रम पूर्ण करण्यासाठी लागणारा कालावधी आणि त्यानंतर दोन वर्षांच्या कालावधीमध्येदेखील संबंधित पदवीचे शिक्षण पूर्ण झाले नाही. अशा विद्याथ्यांच्या शिक्षणासंदर्भात अडचण निर्माण झाली होती.
त्यामुळे अनेक जणांनी विद्यापीठाशी संपर्क साधून हा प्रश्न मार्गी लावून अडचण दूर करण्याची उच्च शिक्षण घेण्याची संधी देण्याची विनंती केली होती. त्यानुसार विद्यापीठाने सकारात्मक प्रतिसाद दिला.
सहाशेहून अधिक विद्यार्थ्यांना लाभ
विद्यापीठ अनुदान आयोगाचे तसेच कायद्याचे विविध अधिनियम तपासून व अधिकार पाहून या विद्याथ्र्यांसाठी समितीने एक दिलासादायक निर्णय घेतला. त्यानुसार आता तळागाळातील विद्यार्थ्यांना आपली राहिलेली पदवी पूर्ण करण्यासाठी एक वर्षाची संधी मिळणार आहे. आपल्या
अभ्यासक्रमांच्या परीक्षांना बसून उच्च शिक्षण पूर्ण करण्याची सुवर्णसंधी ही विद्यार्थ्यांना मिळणार आहे. याचा सुमारे ६०० हून अधिक विद्यार्थ्यांना लाभ होणार आहे. यानिमित्त समितीचे प्रभारी कुलगुरू डॉ. रजनीश कामत यांनी अभिनंदन केले.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
