टीम मंगळवेढा टाइम्स ।
तु बोअरची मशिन का आडवली असे म्हणून दगड उचलून डोळयाच्या वर मारून जखमी करून आम्हास शेती का देत नाही असे म्हणत चुलत भावाच्या उजव्या हाताच्या तळव्याला व करंगळीला चावा घेवून
लाथाबुक्क्यांनी मारहाण करून तुला जीवंत सोडत नाही, तुझी नोकरी घालवतो अशी धमकी दिल्याप्रकरणी सचिन शिवाजी गडेकर (रा.आदर्शनगर) याच्याविरूध्द गुन्हा दाखल झाला आहे.
पोलिस सुत्रांनी दिलेली माहिती अशी,यातील फिर्यादी हणमंत नारायण गडेकर (वय 54 रा.मेटकरी गल्ली) हे नगरपरिषद मंगळवेढा येथे पाणी पुरवठा विभागात नोकरीस असून त्यांचे आजोबा संभाजी गडेकर यांच्या नावे 15 एकर शेती आहे.
त्यातील गट नं.2661 मधील 10 एकर शेती फिर्यादीचे वडील व चुलते भिवाजी गडेकर हे पुर्वीपासून कसत आहेत. दुसर्या गटातील पाच एकर फिर्यादीचे चुलते शिवाजी गडेकर हे कसत होते.
परंतू काही कारणास्तव चुलते शिवाजी यांनी वहिवाट करीत असलेले पाच एकर क्षेत्र विक्री केले होते. शिवाजी गडेकर व त्यांचा मुलगा सचिन गडेकर व फिर्यादी कसत असलेल्या 10 एकर जमीनीत हिस्सा मागत होते. त्यामुळे शेतजमिनीच्या कारणावरून किरकोळ वाद सुरु होता.
दि.7 जून रोजी फिर्यादी कसत असलेल्या जमिनीमध्ये आरोपी तथा सचिन शिवाजी गडेकर हा बोअर मशीन घेवून बोअर पाडण्याकरीता आला असता फिर्यादी व फिर्यादीचे चुलते भिवा असे दोघांनी त्यास विरोध केला होता. त्याचा राग आरोपीच्या मनात होता.
दि.10 जून रोजी सकाळी 11.30 च्या दरम्यान फिर्यादी घरासमोर असताना आरोपीने येवून शिवीगाळ करीत तु बोअरची मशिन का आडवली असे म्हणत शिवीगाळ केली.
तसेच जवळ पडलेला दगड उचलून फिर्यादीच्या उजव्या डोळयाचे वर मारला.व तुम्ही आम्हास शेती का देत नाही असे म्हणून उजवा हात धरून तळव्यावर व करंगळीचा चावा घेवून लाथाबुक्क्यांनी मारहाण केली.
यावेळी फिर्यादीने आरडाओरडा करताच चुलत भाऊ दामू गडेकर,ज्ञानेश्वर गडेकर,पत्नी पुष्पा,भावजय उषा,अक्षय डांगे याने येवून भांडणे सोडवा सोडवी केली. आरोपीने तेथून जाताना तुला जीवंत सोडत नाही,
तुझी नोकरी घालवतो अशी धमकी दिल्याचेही दिलेल्या फिर्यादीत हणमंत गडेकर यांनी म्हटले असून भा.द.वि.कलम 324,323,504,506 प्रमाणे गुन्हा दाखल असून याचा अधिक तपास पोलिस नाईक कृष्णा जाधव हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज