मंगळवेढ्यातून एकाचे मोटरसायकलवरून अपहरण; तिघाविरूद्ध गुन्हा दाखल

टीम मंगळवेढा टाईम्स। 

ऊसतोडणी उचल प्रकरणावरून मंगळवेढा तालुक्यातील हाजापूर येथे राडा झाला असून एका महिलेच्या पतीला जबरदस्तीने बसून पळवून नेण्याचा प्रकार घडला आहे.

दरम्यान या प्रकरणी तानाजी मारूती पांढरे (रा.पांढरेवाडी ता.जत) व अन्य अज्ञात दोघे या तिघाविरूद्ध गुन्हा दाखल झाला आहे.

यातील फिर्यादी वैशाली दिनकर देवकते (वय २७ वर्षे रा. हाजापूर) ही अपहरणकर्त्याची पत्नी असून दि . २० रोजी फिर्यादी व तिचा पती दिनकर देवकते (वय ३४ वर्षे) व मुलगी (वय ९ वर्षे) असे सर्वजण सायंकाळी ४ वाजता घरासमोर बसले असताना

ओळखीचे आरोपी तानाजी मारुती पांढरे व त्यांच्या सोबत अन्य अज्ञात दोघे असे तिघेजण मिळून त्यांचे बुलेट गाडीवर घरी आले.

त्या तिघा आरोपीनी फिर्यादीचे पती यांच्यामध्ये कोणतातरी व्यवहारावरून वाद सुरू झाला होता.

फिर्यादीने या वादाबाबत पतीकडून माहिती घेतली असता ऊसटोळी कामगार चांगले आहेत का ? याबाबत विचारून त्यांना उचल स्वरूपात पैसे दिले होते.

पैसे घेवूनही कामगार कामावर गेले नाहीत या कारणास्तव फिर्यादीच्या पतीला आरोपी जबाबदार धरू लागले असल्याचे पतीने पत्नीस सांगितले.

दरम्यान तदनंतर फिर्यादीच्या पतीला आरोपीने बळजबरीने बुलेटवर घेवून गेले. फिर्यादीने पतीशी अनेकवेळा मोबाईलवरून संपर्क केला मात्र आरोपीने संपर्क होवू दिला नाही.

काही कालावधीनंतर फोन बंद लागत असल्याचे त्यांनी फिर्यादीत नमूद केले आहे. या घटनेचा अधिक तपास पोलिस करीत आहेत.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज