टीम मंगळवेढा टाईम्स ।
सोलापूर ग्रामीण जिल्ह्यात (पोलीस आयुक्तालय हद्द वगळून) सर्वत्र शांतता, कायदा व सुव्यवस्था अबाधित राहावी म्हणून २८ नोव्हेंबर २०२१ ते १२ डिसेंबर २०२१ या पोलीस कालावधीत
महाराष्ट्र अधिनियम कलम ३७ (१) आणि ३७ (३) आदेश अपर जिल्हादंडाधिकारी शमा पवार यांनी जारी केले आहेत.
हे आदेश २८ नोव्हेंबर २०२१ रोजीच्या सकाळी ८ वाजेपासून ते १२ डिसेंबर २०२१ रोजीच्या रात्री २० वाजेपर्यंत लागू राहणार आहेत.
या आदेशानुसार पाच किंवा पाचपेक्षा ज्यादा लोक एकत्र येण्यास बंदी घालण्यात आली आहे.
या आदेशानुसार शस्त्रे , झेंडा लावलेली काठी किंवा शरीरास इजा करण्याकरिता वापरता येईल, अशी कोणतीही वस्तू बरोबर नेणे, कोणताही ज्वालाग्राही अगर स्फोटक पदार्थ वाहून नेणे,
व्यक्ती अगर त्यांची प्रेत यात्रा, प्रतिमा यांचे प्रदर्शन करणे , सार्वजनिक घोषणा करणे , असभ्य हावभाव करणे , ग्राम्य भाषा वापरणे,
सभ्यता अगर नीतीविरुद्ध निरनिराळ्या जाती जमातीच्या भावना दुखावल्या जातील, असे गैरवर्तन करण्यास मनाई घालण्यात आली आहे.(स्त्रोत:लोकमत)
ओमायक्रॉन व्हायरसच्या अनुषंगाने सोलापुरात निर्बंध लागू
ओमायक्रॉन व्हायरसच्या संकटावर सोलापूर जिल्हा प्रशासनाने कडक पावले उचलली आहेत.
जिल्ह्यातील सर्व सार्वजनिक कार्यक्रमांवर कडक बंधने घालण्यात आली आहेत. जिल्ह्यात अद्याप 10 लाख लोकांचे लसीकरण बाकी असून लस घेणाऱ्या नागरिकांनाच शासकीय कार्यालयात प्रवेश देण्यात येणार असल्याची माहिती मुख्य कार्यकारी अधिकारी दिलीप स्वामी यांनी दिली आहे.
देशासमोर नव्याने उभे ठाकलेल्या ओमायक्रॉन व्हायरसच्या अनुषंगाने जिल्हा प्रशासनाने बैठक घेऊन कडक निर्बंधाचा निर्णय घेतला आहे.
जिल्हातील सर्व कार्यक्रमांला निर्बंध घालून दिले आहेत. दोन्ही लसीकरण पूर्ण करणाऱ्या नागरिकांनाच सरकारी कार्यालयात प्रवेश देण्यात येणार आहे. अशी माहिती जिल्हा परिषदेचे मुख्य कार्यकारी अधिकारी दिलीप स्वामी यांनी दिली आहे.
दक्षिण आफ्रिकेत सध्या ओमायक्रॉन व्हायरस थैमान घालतोय. तो व्हायरस जलद पसरणारा आहे, त्यामुळे संपुर्ण जगाची चिंता वाढली आहे. देशाबरोबरच राज्यात देखील निर्बंध लावायला सुरुवात केली आहे.
राज्य सरकारने काही भागात लेवल ३ तर काही भागात लेवल ४ चे निर्बंध लावले आहेत. तसेच कोरोना नियमांचे काटेकोरपणे पालन करण्याचं आवाहनही सरकारच्यावतीने करण्यात आलं आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
