टीम मंगळवेढा टाईम्स।
कोरोना काळामध्ये १८ रुपयांपर्यंत घसरलेले दुधाचे दर सध्या ३५ रुपयांपर्यंत पोहोचल्यामुळे पशुपालकांना काहीसा दिलासा मिळाला आहे.
मात्र, पशु पालनात सर्वात महत्त्वाची बाब असलेल्या पशु आहाराची म्हणजेच पेंडीचे दर ही आतापर्यंतच्या उच्चांकी पातळीवर असल्याने पशु आहार आणि दुधाचे दर याचा मेळ घालताना शेतकऱ्यांना कसरत करावी लागत आहे.
मंगळवेढा तालुक्यात व परिसरामध्ये मोठ्या प्रमाणात दूध उत्पादन घेतले जाते. पाणी आणि चाऱ्याची मुबलक उपलब्धता असल्यामुळे प्रत्येक शेतकऱ्यांकडे दोन-तीन दुधाळ जनावरे आहेतच.
त्यामुळे फक्त भोसे गावातूनच प्रतिदिन सुमारे १० हजार लिटर तर भोसे परिसरातून ४० हजार लिटर दूध असे एकूण ५० हजार लिटर दूध प्रतिदिन संकलित होत आहे.
कोरोनाच्या काळामध्ये संपूर्ण लॉकडाऊन केल्यामुळे सर्व व्यवहार ठप्प झाले होते. त्यामुळे अत्यावश्यक सेवेत असूनही त्यावेळी दुधाला फक्त १८ रुपये दर मिळत होता.
एका दुधाळ जनावरांचा प्रति दिन खर्च काढला असता हा दर परवडत नव्हता, तरीसुद्धा दूध उत्पादक शेतकऱ्यांनी मोठ्या हिमतीने कोरोना कालावधीमध्ये जनावरांची जोपासणा केली.
सध्या जनजीवन पूर्वपदावर आले असल्यामुळे दुधाचे दर लक्षणीयरत्यिा वाढू लागले आहेत. सध्या ३.५, ८.५ या प्रतवारीच्या गाईच्या दुधाला ३५ रुपये प्रति लिटर दर मिळत आहे.
मागील वर्षी नोव्हेंबर २०२१ मध्ये हा दर २४ रुपयांवर होता. एकूणच गाईच्या खरेदी दुधामध्ये ११ रुपयांनी वाढ झाली असल्यामुळे दूध उत्पादक शेतकऱ्यांमधून समाधान व्यक्त होत आहे.
परिसरामध्ये सध्या सोनाई, नेचर डिलाईट, रियल डेअरी आणि डायनामक्सि डेअरी या मोठ्या संस्थांकडून दूध संकलन करण्यात येत आहे.
मागणी आणि पुरवठा मध्ये तफावत येत असल्यामुळे परस्थितिीनुसार या संस्था दुधाच्या दरांमध्ये वाढ तसेच कपात करत असतात, मात्र सध्या दुधाची मागणी कायम असल्यामुळे दूध खरेदी दरामध्ये या संस्थांकडून वाढ होत आहे.
दुसरीकडे दूध वाढ होण्यासाठी जनावरांना सरकी, गोळी, खापरी, पेंड चारली जाते. या पेंडीचे दर ही मोठ्या प्रमाणात वाढलेले आहेत.
पेंड तयार करण्यासाठी लागणाऱ्या मका पिकाच्या दरात कायम वाढ होत असल्यामुळे पेंडीची दरवाढ होत असल्याचे दुकानदारांचे मत आहे.
पेंडीच्या दरात पंधरा दिवसात ६० रूपयांनी वाढ
मागील एका महन्यिात पशुखाद्याच्या दरात सुमारे पाच ते दहा टक्के वाढ झाली आहे. सर्वाधिक खप असलेल्या गोपळी पेंडीच्या दरामध्ये मागील पंधरा दिवसात तब्बल ६० रुपयांनी वाढ झाली असून सध्या गोळी पेंडीचा दर १५०० ते १६०० रुपये आहे.
खापरी पेंड २३०० ते २७०० रुपये, गहू भुस्सा ९५० ते १०५० रुपये तर मका भरडा १४०० ते १५०० रुपये प्रति ५० किलो दर आहे. सरकीच्या दरात मात्र किरकोळ घट झाली असून सध्या १००० ते १४०० रुपये पर्यंत सरकी पेंड विकली जात आहे.
दर आणखी वाढणार!
दुधाची मागणी मोठ्या प्रमाणात होत असल्यामुळे दुधाच्या दरात आणखी वाढ होण्याची शक्यता वर्तविण्यात येत आहे. ३.५ – ८.५ प्रतीच्या दुधाला ४० रुपये दर मिळण्याची शक्यता आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज