महाराष्ट्राला लाजीरवाणी अशी एक धक्कादायक घटना समोर आली आहे.10 वर्षीय अल्पवयीन मुलीवर तिघांनी सामूहिक अत्याचार केल्याची घटना उस्मानाबाद जिल्ह्यातील लोहारा तालुक्यातील एका गावात घडली आहे.
याप्रकरणी पीडित मुलीच्या वडिलांनी पोलिस ठाण्यात फिर्याद दिल्यावरून मंगळवारी रात्री उशीरा तीन अल्पवयीन मुलांविरूध्द पोक्सा कायद्याअंतर्गत गुन्हा दाखल केला आहे.
याप्रकरणी यातील तीन आरोपींना पोलिसांनी ताब्यात घेतले असून पीडितेची प्रकृती गंभीर असून ती कोमात असल्याची चर्चा आहे.
पोलिस सूत्रांकडून मिळालेल्या माहितीनुसार, दि.१८ ऑक्टोबर रोजी गावातीलच तीन मुलांनी दहा वर्षाच्या अल्पवयीन मुलीवर सामूहिक अत्याचार केला होता.
अत्याचार झाल्याबाबत मुलीने घरी सांगितले नव्हते. दुसऱ्या दिवशी सोमवारी मुलीची प्रकृती खालवल्याने तिच्या पालकांनी तिला ग्रामीण रूग्णालयात दाखल केले होते. त्यावेळी तिच्या आई, वडिलांनी उलट्या, जुलाब होत असल्याचे सांगितले होते.
परंतु डॉक्टरांना अत्याचार झाल्याचा संशय आला. याबाबत स्थानिक पोलिसांना माहिती मिळाल्यानंतर महिला सहायक पोलिस निरीक्षक यांच्यासोबत पीडित मुलीला पुढील उपचार व तपासणीसाठी लातूर येथील शासकीय रूग्णालयात दाखल करण्यात आले आहे.
घटना घडून तीन दिवस झाले होते. परंतु पीडितेचे नातेवाईक फिर्याद देण्यासाठी पुढे आले नसल्याने पोलिसांनी वेट अॅण्ड वॉचची भूमिका घेतली होती. अखेर पीडिताच्या वडिलांनी मंगळवारी रात्री उशीरा लोहारा पोलिस ठाण्यात तक्रार केल्यावरुन तिघांविरूध्द गुन्हा दाखल करण्यात आला आहे.
पीडित मुलीवर लातूर येथील शासकीय रूग्णालयात उपचार सुरू आहेत. तिला सामूहिक अत्याचाराचा मानसिक धक्का बसला आहे. तिची प्रकृती गंभीर असून ती सध्या कोमात आहे.
या प्रकरणी तीन जणांना पोलिसांनी ताब्यात घेतले आहे. सदर मुले अल्पवयीन असून १४ ते पंधरा वयोगटातील आहेत. अत्याचार करणारे चौघे जण असल्याचे सांगितले जात आहे. परंतु पीडित मुलगी शुध्दीवर आल्यावरचं नेमका काय प्रकार व किती जणांनी अत्याचार केला ते स्पष्ट होणार आहे. सामूहिक अत्याचाराचा गुन्हा दाखल होताच पोलिस प्रशासनाने तपासाला गती दिली आहे. स्थानिक गुन्हे अन्वेषन शाखेचे पोलिस पथक गावात दाखल झाले असून कसून तपास करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज