टीम मंगळवेढा टाईम्स ।
मंगळवेढा नगरपरिषदेच्या कारभाराबाबत भाजप युवा मोर्चा सध्या आक्रमक भूमिका घेत आंदोलन करत आहे. या सर्व प्रकरणाची दैनिक दामाजी एक्सप्रेस मधील बातमी वाचून विधान परिषद विरोधी पक्षनेते प्रवीण दरेकर यांनी दखल घेतली आहे.
मंगळवेढा नगरपरिषदेच्या विविध कामांची माहिती दरेकर यांनी मागवली आहे. भाजप युवा मोर्चा जिल्हा सरचिटणीस सुदर्शन यादव याना फोन करून त्यांनी सविस्तर माहिती जाणून
घेतली ना.प्रवीण दरेकर यांनी जिल्हाधिकारी यांच्या नावाने दिलेल्या पत्रामध्ये मंगळवेढा नगरपरिषदेच्या टँकर बाबत सर्व माहिती त्यांनी मागवली आहे.
त्यासोबतच मंगळवेढा नगरपरिषदेच्या सर्व वाहने स्वछता विभागाची सर्व माहिती रस्ते पेव्हर ब्लॉक बाबतची माहिती बांधकाम विभागाच्या सन २०१९-२१ सलातील निघालेल्या निविदा त्याची सर्व माहिती ज्या अधिकाऱ्यांनी शहरात झालेल्या
रस्त्यांची मोजणी करून अहवाल दिला त्याची माहिती रस्त्या करताना स्थळ पाहणी केलेला अहवाल. अश्यापद्धतीची महत्वपूर्ण माहिती त्यांनी सात दिवसात देण्याचे पत्र दिले आहे.
या पत्राबद्दल बोलताना सुदर्शन यादव म्हणाले, भारतीय जनता पक्ष कार्यकर्त्यां सोबत उभा राहतो त्याचे आणखी एक उदाहरण दिसत आहे.
माझ्यासारख्या कार्यकर्त्यांवर विश्वास दाखवून दरेकर साहेबांनी भ्रष्टाचाराविरुद्ध लढण्याचे बळ दिले आहे.
येत्या काळात आणखी घोटाळे बाहेर काढणार
युवा मोर्चाचे कार्यकर्ते येत्या काळात आणखी घोटाळे बाहेर काढणार असल्याचे त्यांनी सांगितले.
मंगळवेढा नगरपरिषदेच्या भोंगळ कारभाराची माहिती आता विधान भवनात पोहचली असून सदरील सर्व प्रकरणात आणखी काय गौडबंगाल निघणार हे पाहावे लागणार आहे.
मंगळवेढ्यातील भारतीय जनता युवा मोर्चाच्या सर्व कार्यकर्त्यनाच्या मागे खंबीर सोबत आहे. कोणीही आमच्या कार्यकर्त्यांवर दबाव टाकण्याचा प्रयत्न केला तर त्याला जशास तसे उत्तर देऊ असे देखील प्रवीण दरेकर यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
