टीम मंगळवेढा टाईम्स ।
पिण्याचा व शेतीचा पाणी प्रश्न, पुरेशा प्रमाणात वीज, रस्ते व इतर सुविधा दिल्या नसल्याच्या कारणावरून मंगळवेढा तालुक्यातील
कर्नाटक सीमावर्ती भागात असलेल्या लवंगी ग्रामपंचायतीने चक्क कर्नाटक राज्यात समावेश करण्याचा ठराव ग्रामपंचायतीच्या मासिक बैठकीत केला.
लवंगी ग्रामपंचायतीची मासिक सभा सरपंचांच्या अध्यक्षतेखाली ३० नोव्हेंबर रोजी घेण्यात आली. त्यामध्ये लवंगी हे गाव सीमावर्ती भागात असल्यामुळे शासनाने कोणत्याही सुविधा या गावाला दिलेल्या नाहीत.
गावाला पिण्याच्या पाण्याची गरज असून येथील योजना गेल्या दोन वर्षापासून बंद आहे. शेतीच्या पाण्याचा प्रश्न राजकीय दरबारात प्रलंबित आहे.
सध्या शेतीसाठी पुरेशा प्रमाणात वीजपुरवठा केला जात नाही. या भागातील रस्ते खराब झाले असून त्यांची दुरुस्ती केली जात नाही.
केवळ सीमावर्ती भागात आहे म्हणून सातत्याने गावावर अन्याय केला जात असल्याने आपला कर्नाटक राज्यात समावेश करावा, अशा मागणीचा ठराव ग्रामपंचायतीच्या मासिक बैठकीत करण्यात आला आहे.
लवंगी ग्रामपंचायतीच्या या ठरावामुळे सोलापूर जिल्ह्यात खळबळ उडाली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज