टीम मंगळवेढा टाईम्स ।
मंगळवेढा शहरातील ग्रामीण रुग्णालयातील बेडची क्षमता वाढवण्याबरोबर त्याला उपजिल्हा रुग्णालयाच्या दर्जा द्यावा ही मागणी आ.समाधान आवताडे आरोग्यमंत्री राजेश टोपे यांच्याकडे समक्ष भेटून केली.
दोन दिवसांपूर्वी त्यांनी मंगळवेढा व पंढरपूर मतदार संघातील आरोग्य विषयक समस्याचा आढावा घेतल्यानंतर ज्या आरोग्य विषयक समस्या समोर आल्या त्याबाबत त्यांनी त्याचा पाठपुरावा करण्यास सुरूवात केली.
आज त्यांनी आरोग्य मंत्री टोपे यांची भेट घेऊन मंगळवेढा येथील ग्रामीण रुग्णालयातील बेडची क्षमता 30 असून वाढत्या लोकसंख्येप्रमाणे ही क्षमता 100 बेडची करण्यात यावी अशी मागणी करत
येथील ग्रामीण रुग्णालयाला उपजिल्हा रुग्णालयाचा दर्जा द्यावा अशी मागणी देखील केली याशिवाय निंबोणी येथील ग्रामीण रुग्णालय असा प्रस्ताव शासन स्तरावर प्रलंबित आहे.
येणाऱ्या अर्थसंकल्पीय अधिवेशनात त्यास मंजुरी मिळावी हुलजंती व कारखाना साईट येथील प्राथमिक आरोग्य केंद्र सह तालुक्यात प्रस्तावित केलेली नवीन आठ उपकेंद्राचा समावेश बृहत् आराखड्यात करून त्यास मंजुरी मिळावी.
याचबरोबर पंढरपूर येथील उपजिल्हा रुग्णालयातील बेडची संख्या दुप्पट करण्याची मागणी त्यांनी यावेळी केली.
दोन वर्षात कोरोना साथीत तालुक्यातील आरोग्य विषयक समस्या चव्हाट्यावर आल्या मात्र आरोग्य खात्याने उपलब्ध मनुष्यबळ व साहित्यावर ही वाढलेली साथ आटोक्यात आणण्यासाठी मोठे कष्ट केले व लसीकरण चांगल्या पध्दतीने केल्याने तिसऱ्या लाटेचा प्रभाव कमी जाणवला.
त्यामुळे या साथीचा प्रादुर्भाव कमी करण्यात यश मिळवले मात्र सध्या आ.आवताडे नी पाणी,आरोग्य या प्रश्नाला प्राधान्य दिले.
मंगळवेढा येथील आरोग्य बैठकीत त्यांनी ओपीडी उपकेंद्र स्तरावर सुरू करण्याच्या दिलेल्या सूचना या ग्रामीण भागातील रुग्णासाठी महत्त्वपूर्ण ठरल्या तर आज पंचायत समितीने मुख्यालयात न राहणाऱ्या आरोग्य कर्मचाऱ्यावर कारवाई करण्याचा ठराव मंजूर केला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
