टीम मंगळवेढा टाईम्स ।
खासदार संभाजीराजे गेल्या अनेक दिवसांपासून मराठा आरक्षणासाठी झटत आहेत. मराठा आरक्षणावरुन राज्यातील राजकरण देखील तापलं आहे.
अशातच आता संभाजीराजे आज गुरुवारी राष्ट्रपतींना भेटणार असल्याची माहिती समोर आली आहे. आज दि.2 सप्टेंबर रोजी संभाजीराजे राष्ट्रपती रामनाथ कोविंद यांची भेट घेणार आहेत.
ही भेट मराठा आरक्षणाबाबत असणार आहे. तसेच या भेटीकरिता संभाजीराजेंनी महाराष्ट्रातील प्रमुख चार पक्षांना त्यांचे प्रतिनिधी पाठवण्याचं आव्हान केलं आहे.
संभाजीराजेंच्या आव्हानाला प्रतिसाद देत काँग्रेस खासदार वंदना चव्हान, भाजपचे खासदार रणजितसिंह नाईक निंबाळकर आणि काँग्रेस तर्फे संग्राम थोपटे हे शिष्टमंडळात सहभागी होणार आहेत.
दरम्यान, या सभेत राष्ट्रपतींना एक निवेदन देण्यात येणार आहे. यावेळी मराठा समाजाची स्थिती तसेच सर्वोच्च न्यायालयात घडलेल्या घडामोडी, अशा अनेक गोष्टी राष्ट्रपतींच्या निदर्शनास आणून देण्यात येणार आहे.
तसेच मराठा आरक्षणावर मार्ग काढण्यात यावा याची देखील मागणी करण्यात येणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज