टीम मंगळवेढा टाईम्स।
मंगळवेढा तालुक्यातील चुरशीच्या झालेल्या उचेठाण ग्रामपंचायत निवडणुकीत जनतेतून भाग्यश्री कोळी या निवडून आल्या होत्या त्यानंतर आज ग्रामपंचायत उपसरपंच पदाच्या निवडीतही संगीता सोनवणे यांची बिनविरोध निवड झाली आहे.
ही निवड ग्रामसेवक तथा निवडणूक निर्णय अधिकारी दामाजी पवार, सहाय्यक निवडणूक निर्णय अधिकारी एच.आर.मोरे यांच्या उपस्थितीत अध्यासी अधिकारी तथा नूतन सरपंच सौ भाग्यश्री कोळी यांच्या अध्यक्षतेखाली पार पडली.
उपसरपंच पदाच्या निवडणुकीसाठी नामनिर्देशन पत्र भरण्याची वेळ सकाळी 10 ते दुपारी 2 वाजेपर्यंत होती. उपसरपंच या पदासाठी संगीताताई अनिल सोनवणे व सौ शोभाताई शिवलिंग गडदे यांचे अर्ज दाखल झाले.
उमेदवारी माघारी घेण्याचे वेळी शोभाताई गडदे यांनी निवडणुकीतून माघार घेतल्याने संगीता सोनवणे यांचा एकमेव अर्ज राहिला. दुपारी 2 वाजता निवडणूक निर्णय अधिकारी श्री दामाजी पवार यांनी संगीता सोनवणे यांची बिनविरोध निवड झाल्याचे जाहीर केले.
त्यानंतर नूतन सरपंच, उपसरपंच यांचे बरोबर नूतन ग्रामपंचायत सदस्य अक्षय बनसोडे, परशुराम जावळे, दत्तात्रय गडदे, निशाताई लोंढे, शोभाताई गडदे यांचा सत्कार करण्यात आला.
सत्कार नंतर ग्रामपंचायतची सूत्रे हाती घेतल्यानंतर नूतन सरपंच भाग्यश्री कोळी यांनी बोलताना सांगितले की उचेठाण गावातील नागरिकांच्या सेविकरीता सदैव तत्पर राहणार असून नागरिकांचे आरोग्य,शिक्षण,
रस्ते,नळ जोडणी, घरकुलांना जागा, घरकुल बांधणे, स्मशानभूमी, बुद्ध विहार, नवीन गाळे बांधणे, काँक्रिटीकरण करणे इत्यादी प्रलंबित प्रश्नांना तात्काळ मंजुरी मिळवून विकास कामाला गती देणार असल्याचे नूतन सरपंच भाग्यश्रीताई कोळी यांनी सांगितले.
यावेळी गावातील जेष्ठ नागरिक उत्तम कोळी,महादेव कोळी, विठ्ठल कोळी, शिवलिंग गडदे,वाल्मीक लोखंडे, ज्ञानेश्वर कोळी,अमर भोसले,बबन लोंढे विजय कोळी,प्रताप सोनवणे, सुशील पाटोळे,
दत्तात्रय बनसोडे,यल्लाप्पा कांबळे, इत्यादी नागरिक बहुसंख्येने उपस्थित होते.या कार्यक्रमाची प्रस्तावना महर्षी वाल्मिक संघाचे अध्यक्ष रमेश कोळी यांनी केले तर आभार दत्तात्रय बेदरे यांनी मानले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज