आयशर टेम्पो घेण्यासाठी माहेरुन पाच लाख रुपये आणण्यासाठी विवाहितेला शारीरिक , मानसिक त्रास देत छळ केला. याप्रकरणी अश्विनी समाधान माने या विवाहितेने दिलेल्या तक्रारीवरून पती समाधान अशोक माने, सासरे अशोक सिदा माने, सासू मालन अशोक माने, दीर संतोष अशोक माने सर्वजण रा. कडलास ता.सांगोला यांच्याविरुद्ध सांगोला पोलीस ठाण्यात गुन्हा दाखल केला आहे.
याबाबत अधिक माहिती अशी अश्विनी समाधान माने यांचा विवाह २०१३ मध्ये कडलास ता.सांगोला येथील समाधान अशोक माने यांच्याशी झाला होता.
यावेळी लग्नाचा सर्व खर्च विवाहितेच्या आईने केला होता. लग्नानंतर सासरच्या मंडळींनी चार वर्षे अश्विनी माने यांना व्यवस्थित नांदवले. अश्विनीला अपत्य होत नसल्याने सांगोला येथील खाजगी रुग्णालयातील उपचार घेतला . त्यावेळी डॉक्टरांनी समाधान यांच्यात दोष असल्याने तुम्हाला मूलबाळ होणार नाही असे सासरच्या मंडळींना सांगितले.
त्यानंतर मूल न होण्याच्या कारणावरून अश्विनीला पती, सासू , सासरे , दिर लाथाबुक्यांनी मारहाण करून घालून पाडून बोलून त्रास देऊ लागले.
आयशर टेम्पो घेण्यासाठी माहेरुन पाच लाख रुपये आणण्यासाठी समाधान हा पत्नी अश्विनीला शारीरिक मानसिक त्रास देत होता . २० ऑक्टोबर २०१७ रोजी पती , सासू , सासरे व दीर यांनी माहेरहून पैसे आणण्यासाठी अश्विनीला लाथाबुक्क्यांनी मारहाण करून घरातून हाकलून दिले.
त्यानंतर २६ सप्टेंबर रोजी पती समाधान यांनी पत्नी अश्विनीला नांदविण्यास घेऊन गेला होता . तेव्हापासून ते आजपर्यंत सासरची मंडळी खोटा आरोप करून अश्विनीला शिवीगाळ , दमदाटी करून त्रास देत होते. झालेल्या त्रासाबद्दल अश्विनीने आईला सांगितले होते.
दि.२७ ऑक्टोबर २०२० रोजी पती समाधान अशोक माने , सासरे अशोक सिदा माने , सासू मालन अशोक माने व दीर संतोष अशोक माने सर्वजण रा.कडलास ता.सांगोला यांनी तुला मूलबाळ काय होत नाही , तुझा काय फायदा नाही , तू माहेरी जाऊन आईकडून पाच लाख रुपये घेऊन ये म्हणून अश्विनीला लाथाबुक्क्यांनी मारहाण व शिवीगाळ दमदाटी करून घरातून हाकलून दिले.
याबाबत अश्विनी माने यांनी दिलेल्या तक्रारीवरून पती समाधान माने , सासरे अशोक माने , सासू मालन माने , दीर संतोष माने यांच्याविरुद्ध सांगोला पोलीस ठाण्यात गुन्हा दाखल केला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज