मंगळवेढा टाईम्स न्यूज नेटवर्क ।
मंगळवेढा शहरातील दामाजी चौकातील महालक्ष्मी चहा कँटीन व रुद्र पान टपरी समोर या दोन ठिकाणी अवैधरित्या गुटखा विक्री करणाऱ्यावर पोलीसांनी छापे टाकून
जवळपास सहा हजाराचा गुटखा पकडून गुटखा विक्रेता कमलेश नारायण सुवालका (वय ३६, रा. नागणेवाडी, मुळ राजस्थान) व सुनिल रामचंद्र शिंदे (वय ३७, रा. शांतीनगर), या दोघा विरुध्द गुन्हा दाखल करण्यात आला आहे.
या घटनेची हकीकत अशी, प्रशिक्षणार्थी पोलीस अधिक्षक नयोमी साटम यांनी अवैध धंदयाविरुध्द मोहिम उघडली असून यांच्या मार्गदर्शनाखाली कारवाईसाठी विविध पथके कार्यरत आहेत. ही पथके गस्त घालत असताना त्यांना
दामाजी चौकातील महालक्ष्मी चहा कँटीन जवळ एक इसम पांढऱ्या रंगाच्या पिशवीत गुटखाजन्य पदार्थाच्या पुड्या विक्री करीत असल्याचे पोलीसांना समजल्यावर त्यांनी सदर ठिकाणी जावून तपासणी केली असता आरोपी कमलेश नारायण सुवालका याच्याजवळ सुपर पान मसाला ९५ पुड्या, सुगंधीत तक्रारी आहेत.
तंबाखू ९५ पुड्या, विमल पानमसाला ११० पुड्या, सुगंधीत तंबाखू ११० पुड्या, मावा ३० पुड्या असा एकूण १ हजार ६२५ किंमतीचा मुद्देमाल पोलीसांनी जप्त केला.
दुसऱ्या घटनेत दि.१२ रोजी दुपारी ३ वाजता मंगळवेढा ते पंढरपूर जाणाऱ्या रोडवरील रुद्र पान टपरी समोर एक इसम पिशवी मध्ये गुटखाजन्य पदार्थाच्या पुड्या विक्री करीत असल्याची माहिती मिळाली. पोलीसांनी सदर ठिकाणी पाहणी केली असता यातील आरोपी सुनिल रामचंद्र शिंदे हा बेकायदेशीररित्या
पिशवीत आर. एम. डी. पानमसाला ६८ पुड्या, सुगंधीत तंबाखू ६८ पुड्या, सुगंधी तंबाखू मावा ४० सुपर पानमसाला १० पाकिट, एस. ९९९ सुगंधीत तंबाखू १६ पाकिटे असा एकूण ४ हजार ३९८ किंमतीचा मुद्देमाल त्याच्याकडे पोलीसांना मिळून आला.
अन्न भेसळ व औषध प्रशासनाचे कर्मचारी उमेश भुसे यांनी फिर्याद दाखल केल्यानंतर वरील दोघाविरुध्द गुन्हा दाखल करण्यात आला आहे. दरम्यान महाराष्ट्रात गुटखा विक्री करण्यास पुर्णतः बंदी असताना ही छोट्या-मोठ्या पानटपऱ्या व हॉटेल्समधून खुलेआम गुटख्याच्या पुड्या विक्री केल्या जात असल्याचे नागरिकांच्या निदर्शनास येत आहेत.
अन्न भेसळचे अधिकारी पोलीसांनी कारवाई केल्यानंतरच मंगळवेढ्यात येतात. स्वत:हून आपल्या कार्यक्षेत्रात पुड्या, फिरुन कारवाई करीत नसल्याच्या सुज्ञ नागरिकांच्या तक्रारी आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज