टीम मंगळवेढा टाईम्स।
मंगळवेढा तालुक्यातील आंधळगाव येथे ५२ पानांच्या जुगारावर पैशाची पैज लावून खेळत असताना जुगार अड्डयावर पोलिसांनी छापा टाकून ९ लाख १२ हजार ३०० रुपयांचा मुद्देमाल जप्त केला आहे.
नीलेश सीताराम लेंडवे, अमर बाळासो जाधव (आंधळगाव), नवनाथ मुरलीधर खटकाळे (अकोला), विठ्ठल तुकाराम लाड (घोडेश्वर) या चौघांवर पोलिसांनी गुन्हा दाखल केला आहे.
आंधळगाव ते लक्ष्मी दहिवडीकडे जाणाऱ्या रोडवर नेचर डेअरीच्या बाजूस पत्रा शेडच्या आडोशाला दि. २३ रोजी सायंकाळी ५:३० वाजता काही लोक पैशाची पैज लावून जुगार खेळत असल्याची गोपनीय माहिती पोनि. रणजित माने यांना मिळाली.
त्यांनी पोलिसांच्या मदतीने सदर ठिकाणी छापा टाकला. यावेळी १२ हजार ३०० रोख रक्कम, ८ लाख किमतीची चारचाकी गाडी, ७५ हजार रुपयांची गाडी, २५ हजार रुपये किमतीची मोटारसायकल, असा एकूण ९ लाख १२ हजार ३०० रुपयांचा मुद्देमाल पोलिसांना मिळून आला.
याची फिर्याद पोलिस अंमलदार प्रमोद साळुंखे यांनी दिल्यावर चौघा आरोपींवर गुन्हा दाखल करण्यात आला असून, अधिक तपास पोलिस उपनिरीक्षक सूर्यकांत धापटे करीत आहेत.
दरम्यान, मंगळवेढा तालुक्यातील अनेक भागात सध्या जुगार अड्डे मोठ्या प्रमाणात सुरू असल्याचे बोलले जात आहे. या जुगार अड्ड्यांमुळे सर्वसामान्य नागरिकांचे संसार उदवस्त होण्याच्या मार्गावर असल्याचे चित्र तालुक्यात निर्माण झाले आहे.
पोलीस अधीक्षक शिरीष सरदेशपांडे यांनी वेळेची स्पेशल टीम स्थापन करून आशा जुगार अड्ड्यांचा बंदोबस्त करावा अशी मागणी सर्वसामान्य महिला करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
