मंगळवेढा टाईम्स वृत्तसेवा । मंगळवेढा तालुक्यातील जालिहाळ येथे पहिला कोरोना होम क्वॉरन्टाईन्ड आढळल्यानंतर आरोग्य खाते खडबडून जागे झाले.आरोग्य व पोलिस प्रशासनाने याची खातरजमा केल्यानंतर नागरिकांना काहीसा दिलासा मिळाला.मात्र सोमवारी मंगळवेढा तालुक्यात आणखी होम वॉरन्टाईन्ड असे चारजण आढळून आल्याने नागरिकांची चिंता वाढली आहे.
चारपैकी दोघेजण गुजरातहून मंगळवेढयातील कुंभार तलावानजिक असणाऱ्या त्यांच्या नातेवाईकांकडे आल्याचे समजले.तर कतारहून दोघेजण परतल्याचे सांगण्यात येते.त्यापैकी एकजण कचरेवाडीचा आहे तर दुसरा हुन्नूर येथील असल्याची माहिती आहे.हे चारही होम क्वॉरन्टाईन्ड आरोग्य विभागाच्या संपर्कात असून त्यांना १४ दिवस घरीच वेगळ्या ठिकाणी राहण्याच्या व्यक्ती इतरत्र फिरत असल्यामुळे हा विषय अधिकच चिंताजनक बनत चालला आहे. आरोग्य विभागाने संबंधित व्यक्तीबाबत पोलिस प्रशासनांना कळविणे गरजेचे आहे.हे जरी होम क्वॉरन्टाईन्ड असले तरी कोरोना पॉझिटिव्ह अथवा निगेटिव्ह म्हणून अजूनही शिक्कामोर्तब झालेले नाही.
त्यामुळे त्यांची व्यवस्था एका स्वतंत्र खोलीत केली पाहिजे व त्यांचा इतर व्यक्तिशी कसलाच संपर्क येवू नये यादृष्टीने काळजी घेणेही महत्वाचे आहे. मंगळवेढयामध्ये बाहेरहन रोजच लोक येण्याच्या प्रमाणात वाढ होत आहे.मात्र बाहेरून आलेल्या व्यक्तीची नोंद करण्याचे जाणूनबुजून टाळण्यात येते.त्यामुळे पोलिस प्रशासनाने याबाबत अधिक लक्ष घालून संबंधित व्यक्तींवर पाळत ठेवावी अशी मागणी शहर व ग्रामीण भागातील जनतेतून होत आहे.
परदेशावरून जे लोक येत आहेत त्यांची नोंदणी पोलिस प्रशासनाकडे केली जाते. मात्र पुण्या-मुंबईहून जे लोक परतत आहेत अशांची माहिती त्या त्या भागातील पोलिस पाटलांनी घेवून त्यांची माहिती पोलिस प्रशासनाला कळवावी. तसेच जे कोणी होम क्वॉरन्टाईन्ड बाहेर फिरताना आढळून आले तर त्यांची रवानगी मंगळवेढा येथील विलगीकरण कक्षात करण्यात येईल.-जोतीराम गुंजवटे,पोलिस निरीक्षक,मंगळवेढा.
‘क्वारंटाईन’चा कालावधी
डॉक्टरांनी होम क्वारंटाईनचा सल्ला दिल्यानंतर पुढचे १४ दिवस घरातून बाहेर पडणं टाळावं किंवा करोना पॉझिटिव्ह आढळलेल्या व्यक्तीच्या संपर्कात आल्यानंतर पुढचे १४ दिवस क्वारंटाईन राहणं गरजेचं आहे. किंवा करोना संशयित व्यक्तीच्या करोना टेस्टचा अहवाल निगेटिव्ह येईपर्यंत अशा व्यक्तींच्या संपर्कात आलेल्या व्यक्तीनंही क्वारंटाईन राहणं गरजेचं आहे.
‘क्वारंटाईन’ राहा… करोनाचा प्रसार टाळा
– करोनाच्या संशयित रुग्णांनी खेळती हवा राहील अशा एखाद्या वेगळ्या रुममध्ये इतरांपासून वेगळं राहणं गरजेचं आहे. या रुममध्ये वेगळं टॉयलेट असेल तर उत्तम… जर तुमच्या कुटुंबातल्या इतर व्यक्तींना याच रुममध्ये राहायचं असेल तर दोघांमध्ये कमीत कमी एक मीटर अंतर राहील याची काळजी घ्या
– जवळच्या ज्येष्ठ नागरिकांपासून, गर्भवती स्त्रियांपासून, लहानग्यांपासून तसंच घरातील कामात मदत करणाऱ्या व्यक्तींपासून लांब राहा
– घरातील वावरावर नियंत्रण ठेवा
– कोणत्याही परिस्थितीत कोणताही सार्वजनिक / धार्मिक कार्यक्रम किंवा मेळाव्याला हजेरी लावू नका. उदाहरणार्थ. विवाह, अंत्यविधी
———–
जाहिरात-
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
