टीम मंगळवेढा टाईम्स ।
मंगळवेढा कृषी उत्पन्न बाजार समितीची निवडणूक जाहीर झाली असून निवडणूक रंगतदार होणार असल्याची चिन्हे दिसू लागली आहेत.
सत्ताधारी गटाचे ज्येष्ठ नेते व जिल्हा मध्यवर्ती बँकेचे जिल्हा उपाध्यक्ष बबनराव आवताडे यांनी अर्ज भरण्याच्या पहिल्या दिवशी आपला व्यापारी मतदारसंघातून अर्ज दाखल केला आहे.
तर दुसरीकडे आमदार समाधान आवताडे यांनी चुत्मेलवर कार्यकर्त्यांची बैठक घेत कार्यकर्त्यांना तुम्ही म्हणाल तसे असे सांगत अर्ज भरण्याच्या सूचना दिल्या आहेत.
तर समविचारी आघाडीने निवडणुकीच्या संदर्भात विचार विनीमय करण्यासाठी सर्वपक्षीय कार्यकर्त्यांची बैठक दि.३० मार्च रोजी बैठक बोलावली आहे.
बाजार समितीवर गेल्या अनेक वर्षांपासून बबनराव आवताडे यांचे वर्चस्व आहे. गेल्या पाच वर्षात त्यांनी आपले पुतणे सोमनाथ आवताडे यांना काम करण्याची संधी दिली.
गेल्या काही दिवसात तालुक्यातील राजकारणात अनेक बदल झाल्याने यावेळी बाजार समितीची निवडणूक लग्नाची शक्यता व्यक्त होत आहे.
सत्ताधारी गटाचे ज्येष्ठ नेते बबनराव आवताडे यांनी पहिल्याच दिवशी आपला अर्ज दाखल केला असून उर्वरित सर्व अर्ज दाखल केले जाणार आहेत.
तसेच विधानसभा निवडणुकीतील विजयानंतर आ समाधान आवताडे हे देखील आपला गट मजबूत करण्यासाठी व कार्यकर्त्यांना ताकद देण्यासाठी प्रयत्नशील आहेत.
२७ रोजी अर्ज भरण्याच्या पहिल्या दिवशी सोळा अर्जांची विक्री झाली असून ४ जणांनी अर्ज भरले आहेत.
व्यापारी मतदारसंघातून बबनराव बाबुराव आवताडे, सोसायटी सर्वसाधारण मतदारसंघातून व भटक्या विमुक्त जमाती अशा दोन गटातून नानासाहेब राजाराम चोपडे, हमाल तोलार मतदारसंघातून प्रवीण नंदू कोंडूभैरी असे चार अर्ज दाखल झाले असून दि.३ एप्रिल पर्यंत अर्ज भरण्याची मुदत असल्याचे निवडणूक निर्णय अधिकारी गावडे यांनी सांगितले.
सोसायटी ८३३ तर ग्रामपंचायत मतदारसंघात ५६५ मतदार
कृषी उत्पन्न बाजार समितीसाठी १८ जागांसाठी ही निवडणूक होत असून यामध्ये विविध कार्यकारी सोसायटी मतदारसंघातून जनरल ७, महिला राखीव २ भटक्या विमुक्त जाती २ अशा ११ जागा, ग्रामपंचायत मतदार संघातून सर्वसाधारण दोन, अनुसूचित जाती जमाती एक,
आर्थिक दुर्बल एक अशा एकूण चार जागा, व्यापारी मतदारसंघातून दोन, तर हमाल तोलार मतदारसंघातून एक अशा १८ जागा आहेत. विविध कार्यकारी सेवा सोसायटीचे ८३३ मतदार असून ग्रामपंचायत मतदार संघाचे ५६५ मतदार संघाचे २३० हमाल तोलार मतदारसंघाचे ३१ मतदार आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
