टीम मंगळवेढा टाईम्स।
मंगळवेढा-पंढरपूर तालुक्याचे आमदार स्व.भारत भालके यांच्या व्दितीय पुण्यस्मरणानिमित्त श्रध्दांजलीपर कार्यक्रम व भव्य रक्तदान शिबीराचे आयोजन केले असल्याची माहिती स्व.भारतनाना भालके फाउंडेशनच्या अध्यक्षा डॉ.सौ.प्रणिता भालके यांनी दिली आहे.
सोमवार दि.२८ नोव्हेंबर रोजी दुपारी १२.०० वा. सरकोली येथील निवासस्थानी कै.भारत भालके यांच्या प्रतिमेवर पुष्पवृष्टी करण्यात येणार असून
त्याच दिवशी सकाळी ९.०० ते सायंकाळी ४.०० वाजेपर्यंत भव्य रक्तदान शिबीराचे आयोजन करण्यात आले आहे. रक्तदान शिबीरामध्ये सहभाग नोंदविण्याचे आयोजन संयोजकांच्यावतीने करण्यात आले आहे.
दांडगा जनसंपर्क आणि लोकांना हाताळण्याची विशिष्ट पद्धत आजही चर्चेत
दांडगा जनसंपर्क आणि लोकांना हाताळण्याच्या एका विशिष्ट पद्धतीमुळे तीन निवडणुकीत वेगवेगळ्या पक्षांतून लढूनही स्व.आमदार भारत भालके यांना पंढरपूर- मंगळवेढ्यातील जनतेने स्वीकारले होते. त्यानंतर त्यांनी स्वतःचे वलय निर्माण केले होते.
परंतु, त्यांच्या अकाली निधनानंतर झालेल्या पोटनिवडणुकीत निसटत्या मताने भगीरथ भालके यांचा पराभव झाला. हा पराभव राष्ट्रवादीला व भालके परिवाराला धक्का देणारा ठरला.
आतापर्यंत पंढरपुरातील राजकारण उसाभोवती व मंगळवेढ्याचे राजकारण पाण्याभोवती फिरत राहिले आहे.
भालकेंना मानणाऱ्या अनेकांनी साखर कारखान्यातील अडचणी दूर करणे व मंगळवेढा उपसा सिंचन योजनेच्या पाण्यासाठी मतदारसंघातील गाठी-भेटीऐवजी वरिष्ठ पातळीवर प्रयत्न करा, असा सल्ला भगीरथ भालके यांना दिला.
त्यानंतर भगीरथ भालके यांनी बंधू व्यंकट भालके, शेखर भालके, पत्नी डॉ. प्रणिता भालके यांच्यासह राष्ट्रवादीच्या पदाधिकारी, निष्ठावान कार्यकर्त्यांवर मतदारसंघाची जबाबदारी दिली आहे.
मतदारसंघात विविध कार्यक्रमांच्या निमित्ताने हे सर्वजण लोकांच्या संपर्कात आहेत. याचा फायदा भविष्यात स्थानिक स्वराज्य संस्थांच्या निवडणुकीत होऊ शकतो.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
