टीम मंगळवेढा टाईम्स।
भारत आणि ऑस्ट्रेलिया यांच्यातील पहिला वनडे सामना आता फक्त काही तासांवर येऊन ठेपला आहे. पण हा सामना नेमका कुठे लाइव्ह पाहायला मिळू शकतो, याची माहिती आता समोर आली आहे.
भारत आणि ऑस्ट्रेलिया यांच्यातील वनडे सामने स्टार स्पोर्ट्स किंवा सोनी लिव्हवर पाहायला मिळणार नाही, तर यावेळी एका नवीन चॅनेनवर हे सामने पाहायला मिळणार आहेत. वनडे सामने किती वाजता सुरु होणार.
वनडे सामन्यासाठी मैदानाची पाहणी पंच हे दुपारी १२.३० वाजता करतील. जर पाऊस नसेल किंवा कोणताही अन्य अडथळा नसेल तर सामना वेळेत सुरु होईल. या सामन्याचा टॉस हा दुपारी १.०० वाजता होईल.
टॉस झाल्यावर दोन्ही कर्णधार आपल्या देशांचे संघ जाहीर करतील. त्यानंतर थोडा काळ खेळाडू मैदानात सराव करतील. टॉस झाल्यावर अर्ध्या तासाने म्हणजेत दुपारी १.३० वाजता सामन्याला सुरुवात करण्यात येणार आहे. त्यामुळे हा सामना कोणताही व्यत्यय आला नाही तर दुपारी १.३० ते रात्री १०.०० या वेळेत पूर्ण होऊ शकतो.
तीन वनडे सामन्यांची मालिका…भारत आणि ऑस्ट्रेलिया यांच्यात या वनडे मालिकेत तीन सामने होणार आहेत. या मालिकेतील पहिला सामना शुक्रवारी २२ सप्टेंबरला होणार आहे, त्यानंतर दुसरा सामना २४ सप्टेंबरला तर तिसरा सामना हा २७ सप्टेंबरला होणार आहे. सामना लाइव्ह कुठे पाहायला मिळू शकतो, जाणून घ्या…
भारत आणि ऑस्ट्रेलियाची ही वनडे मालिका स्टार स्पोर्ट्स किंवा सोनीच्या चॅनेल्सवर पाहायला मिळणार नाही, तर ही मालिका आता स्पोर्ट्स १८ या चॅनेलवर पाहायला मिळणार आहे. त्याचबरोबर जिओ सिनेमाच्या वेब साईट आणि अॅपवर हे सामने लाइव्ह पाहता येणार आहेत.
त्यामुळे आता स्पोर्ट्स १८ हे चॅनेल आणि जिओ सिनेमा यावर तुम्ही भारत आणि ऑस्ट्रेलिया यांच्यातील सामन्यांचा आनंद लुटू शकता. भारत आणि ऑस्ट्रेलिया यांच्यातील तीन वनडे सामन्यांची मालिका आता होणार आहे.
त्यानंतर वर्ल्ड कप खेळवला जाईल. वर्ल्ड कप झाल्यावर भारत आणि ऑस्ट्रेलिया यांच्यात टी-२० मालिका होणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
