टीम मंगळवेढा टाइम्स ।
मनोज जरांगे पाटील यांच्या शांतता रॅलीमुळे आज सोलापुरातील शाळांना सुट्टी जाहीर करण्यात आली आहे. सोलापूरचे जिल्हाधिकारी कुमार आशीर्वाद यांनी शाळांना सुट्टी जाहीर केली आहे.
मनोज जरांगे पाटील हे आज सोलापुरातील छत्रपती संभाजीराजे चौकपासून छत्रपती शिवाजी महाराज चौकापर्यंत ‘शांतता रॅली’ काढणार आहेत.
मराठा समाजाला ओबीसी प्रवर्गातून आरक्षण मिळावं या मागणीसाठी आजपासून जरांगे पाटील हे पश्चिम महाराष्ट्र दौऱ्यावर आहेत. शांतता रॅली नंतर छत्रपती शिवाजी महाराज चौकात जरांगे पाटील यांची जाहीर सभा होणार आहे.
या पार्श्वभूमीवर अप्पर जिल्हादंडाधिकारी मनीषा कुंभार यांनी सोलापूर शहरातील सर्व शाळांना सुट्टीचा आदेश जाहीर केला आहे. शाळेला जरी सुट्टी असली तरी शाळेचे मुख्याध्यापक, शिक्षक आणि शिक्षकेत्तर कर्मचाऱ्यांनी ड्युटी करणे अनिवार्य असल्याचं आदेशात म्हटलं आहे.
मनोज जरांगे पाटील पश्चिम महाराष्ट्राच्या दौऱ्यासाठी अंतरवाली सराटीहून तुळजापूरकडे रवाना झाले होते. मनोज जरांगे काल तुळजापूर मुक्काम केल्यानंतर आज सोलापूरात येणार आहेत.
सोलापूर येथे जरांगे पाटील यांच्या उपस्थित महाशांतता रॅलीचे आयोजन करण्यात आलं आहे. जरांगे यांचा आज सोलापूरपासून दौरा सुरू होत आहे. मनोज जरांगे यांनी ज्यांना तारीख दिली आहे, त्या जिल्ह्यातील मराठा समाज रॅलीला ताकदीने येणार आहे.
जरांगे यांचं मराठा समाजाला रॅलीत सहभागी होण्याचं आवाहन
“आपल्या मुलांना, शेतकऱ्यांना आरक्षण द्यायचे असेल तर ही शेवटची संधी आहे. ज्या ठिकाणी रॅली होणार आहे त्या ठिकाणी काम बंद करून मराठा समाज आज येणार आहे. आपल्या मुलांसाठी समाज एकत्र येणार आहे.
शेवटी आम्हला न्याय पाहिजे. हा संदेश आमच्यासाठी महत्त्वाचा आहे. राजकारणी लोक, मोठे करणे हा आमचा पिंड नाही. आमचे लेकरे मोठे करणे हा आमचा सर्वात मोठा प्रश्न आहे”, अशी प्रतिक्रिया मनोज जरांगे यांनी दिली आहे.
“”त्यांना आरक्षण द्यायचे नाही म्हणून आमदार, मंत्री, विरोधक, ओबीसींचे छगन भुजबळ हे सर्व विरोधात उतरले आहेत. पण आपण आपल्या माणसाला उघडे पडू द्यायचे नाही. प्रत्येक जिल्ह्यात मिळेल त्या वाहनाने मराठा समाज रॅलीमध्ये सहभागी होणार आहे. पुढची लढाई ही शेतकरी, मराठा, मुसलमान, धनगर बांधवांची असणार आहे”, असं मनोज जरांगे म्हणाले आहेत.
सोलापुरातील जरांगे-पाटील यांच्या शांतता रॅलीत मंगळवेढ्यातून एक लाख बांधव सहभागी होणार
सकल मराठा समाजाच्या वतीने सोलापूर येथे आरक्षणाचे संघर्ष योद्धा मनोज जरांगे पाटील यांच्या शांतता रॅलीत सहभागी होण्यासाठी आज मंगळवेढा शहर व तालुक्यातून जवळपास 1 लाख सकल मराठा समाज उपस्थित राहणार असून त्यासाठी सकल मराठा समाजाच्या वतीने जय्यत तयारी करण्यात आली आहे.
मंगळवेढा येथून आज बुधवारी सकाळी ९ वाजता शिवप्रेमी चौकातील शिवालयातून या सभेसाठी वाहने रवाना होणार असून जवळपास १००० चारचाकी व २० हजार दुचाकी वाहनांचा समावेश असणार आहे, सुमारे 1 लाख सकल मराठा समाज सोलापूर येथे जाणार आहे,
शिवालयातून सकाळी सभेसाठी जाणाऱ्या प्रत्येक वाहनाला पाण्याचा बॉक्स, चिवडा-लाडू पाकीट, भगवी उपरणे, टोपी इत्यादी साहित्य सकल मराठा समाजाच्या वतीने देण्यात येणार आहे.
वाहने सावकाश चालवावी
तसेच सभेला जाताना वाहने सावकाश चालवावी, गडबड गोंधळ करू नये, मोटरसायकलच्या पुंगळ्या काढू नये, इतर समाजाविषयी अथवा जातीय तेढ निर्माण होईल अशा कोणत्याही घोषणा देऊ नये, अशा सूचना सकल मराठा समाजाच्या वतीने देण्यात आल्या आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
