टीम मंगळवेढा टाईम्स ।
वाढते डिझेलचे दर व स्पेअरपार्टच्या महागाईमुळे मंगळवेढा तालुक्यातील जेसीबी व्यवसाय पुर्णत अडचणीत आला आहे . त्यामुळे या अडचणीतून बाहेर पडण्यासाठी जेसीबी मालकांनी प्रतितास 1200 रुपये प्रमाणे दर आकारणे गरजेचे आहे.
त्यामुळे दि.1 नोव्हेंबर पासून जेसीबीचा प्रतितास 1 हजार 200 रुपये प्रतितास करण्याचा निर्णय मंगळवेढ्यात जेसीबी संघटनेच्या बैठकीत हा निर्णय घेण्यात आला.
सध्याचे वाढते डिझेल दर, जेसीबीच्या किमतीत भरमसाठ झालेली वाढ , वाढते आईल दर , स्पेअरपार्ट वाढलेले दर, ड्रायव्हरचा वाढता पगार , बँक कर्जाचे हप्ते यासर्व खर्चाची तोंडमिळवणी होत नसल्याने जेसीबीमालक अडचणीत आले आहेत.
दिवसेंदिवस महागाईने कर्जावरील व्याजाचे मीटर वाढत चालल्याने जेसीबी विकण्याच्या निर्णयावर काहीजण पोहोचले आहेत.
मंगळवेढा तालुक्यातील जेसीबी व्यवसाय अडचणीत आला आहे. शेती व्यवसायाबरोबर घर, विहीर , पाईप लाईन , पाणंद रस्ते आदी कामांसाठी शेतकऱ्यांना जेसीबीचा आधार घ्यावा लागतो.
त्यासाठी लहान, मोठ्या शेतकऱ्यांनी वित्तीय संस्था व बँक कर्ज काढून जेसीबी घेतल्या आहेत. शेतकऱ्यांच्या उत्कर्षात सहभागी झालेली जेसीबी व्यवसायामुळे अनेक कुटुंबांचे चरितार्थ चालत आहेत. त्या व्यवसायाला टिकवून ठेवण्यासाठी व खर्चाची तोंडमिळवणीबरोबर भुमिपुत्रांच्या हाताला काम मिळवण्यासाठी प्रति तास 1200 रुपये दर करणे पर्याय मार्ग असल्याचे जेसीबी संघटनेच्या वतीने जाहीर केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
