टीम मंगळवेढा टाईम्स ।
मंगळवेढा तालुक्यातील डोंगरगाव येथील तलावात शेती सिंचनासाठी बसविलेली विद्युत मोटार ,इलेक्ट्रीक केबल,इलेक्ट्रीक स्टार्टर असा एकूण 13 हजार 500 रुपये किमतीचा मुद्देमाल चोरटयांनी चोरून नेल्या प्रकरणी अज्ञात चोरटयाविरूध्द गुन्हा दाखल झाला आहे.
यातील फिर्यादी हणमंत सुरवसे यांची डोंगरगाव परिसरात बागायत शेती असून पिकाला पाणी देण्यासाठी येथील तलावातून पाणी उपसण्यासाठी 5 एच.पी.ची आयमेक्स कंपनीची पाणबुडी मोटर व 200 फुट इलेक्ट्रीक केबल,एल.टी.कंपनीचा इलेक्ट्रीक स्टार्टर असे साहित्य तेथे बसविण्यात आले होते.
यातील फिर्यादी हे दि.19 रोजी सकाळी 6.00 वा. पाझर तलावावर विद्युत मोटर सुरु करण्यासाठी गेले असता वरील साहित्य अज्ञात चोरटयाने चोरून नेल्याचे त्यांच्या निदर्शनास आल्याने त्यांच्या फिर्यादीवरून अज्ञात चोरटयाविरूध्द गुन्हा दाखल करण्यात आला आहे.
मंगळवेढा-मरवडे मार्गावर इंडिका कार व ऊसाच्या ट्रॅक्टरची धडक, कर्नाटकातील आठजण गंभीर जखमी, अज्ञात चालकाविरूध्द गुन्हा दाखल
मंगळवेढा-मरवडे मार्गावर बिगर नंबरच्या ट्रॅक्टरने राँग साईडने येवून समोरून येणार्या इंडिका कारला जोराची धडक दिल्याने कारमधील आठजण गंभीर जखमी होवून अपघातग्रस्त वाहनांचे एक लाखाचे नुकसान करून खबर न देता पळून गेल्याप्रकरणी अज्ञात ट्रॅक्टर चालकाविरूध्द गुन्हा दाखल करण्यात आला आहे.
या घटनेची हकिकत अशी,दि.16 रोजी पहाटे 5.00 वा.यातील जखमी मल्लाप्पा मादर(वय 30),बसाप्पा मादर(वय 27),फकिराप्पा मादर (वय 45),गंगाधर मादर(वय 10),गजगेप्पा मादर(वय 50),
महादेवी मादर(वय 3),महेंद्र मादर(वय 18),केंचाप्पा मादर(वय 35) हे सर्व कुटुंबिय पंढरपूर येथून त्यांच्या मूळ गावी इंडिका कार क्र. के.ए.25 ए.ए.1896ने (संकपाळ ता. नरगुंद जि.गदग कर्नाटक) जात असताना
मंगळवेढा-मरवडे मार्गावरील शिवा हुजले यांच्या शेताजवळ अचानक समोरून बिगर नंबरचा ऊसाचे ट्रॅक्टर चुकीच्या दिशेने येवून इंडिका कारला जोराची धडक दिल्याने सर्वजण त्यात जखमी झाले.
यामधील केंचाप्पा मादर यांना गंभीर मार लागल्याने ते बेशुध्द अवस्थेत होते. या सर्वाना सोलापूर येथे शासकीय रुग्णालयात दाखल करण्यात आले आहे. अपघातानंतर टॅ्रक्टर चालकाने पोलिसात खबर न देता तो पळून गेल्याचे म्हटले आहे.
या अपघाताची फिर्याद पोलिस नाईक चनगोंडा धानगोंडे यांनी दिल्यावर अज्ञात ट्रॅक्टर चालकाविरूध्द गुन्हा दाखल करण्यात आला आहे.
दरम्यान,सध्या ऊस् गाळप हंगाम सुरु असल्याने महामार्गावर ऊसाने भरून डबल ट्रेलर जात असल्याचे चित्र आहे. वाहनचालक हे ट्रॅक्टरमध्ये मोठया आवाजात टेप लावून गाणी ऐकण्यात मश्गूल रहात असल्याने पाठीमागून आलेल्या वाहनाने हॉर्न वाजवूनही त्यास ऐकू जात नसल्यामुळे या कारणाचीही अपघातात भर पडत आहे.
ऊसाची वाहने डबल ट्रेलर भरलेली असल्यामुळे ब्रेक लावल्यानंतरही वाहन जागेवर न थांबता अतिरिक्त बोजामुळे ते पुढे रेटत जात असल्यामुळे अपघातामध्ये भर पडत असल्याच्या तक्रारी आहेत.
उपप्रादेशिक परिवहन अधिकारी यांनी अतिरिक्त ऊस वाहतूक करणार्या व टेप लावून सुसाट वेगाने जाणार्या वाहनावर कारवाई करून होणारे अपघात टाळावेत अशी मागणी नागरिकांतून होत आहे.
दोन दिवसाच्या कालावधीत ऊसाने भरलेल्या वाहनाचे दोन अपघात होवून त्यामध्ये एक जागीच मयत तर आठजण गंभीर जखमी होण्याची घटना घडल्याने वाढत्या अपघाताबाबत मंगळवेढा तालुक्यातील नागरिकांतून चिंता व्यक्त केली जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
