दामाजी महाविद्यालय, इंग्लिश स्कूलची यशाची परंपरा कायम, प्राची ओमने व निकिता आवताडे तालुक्यात प्रथम; मंगळवेढ्याचा निकाल १२ टक्क्याने घसरला, यंदा ८५.८४ टक्के उत्तीर्ण

मंगळवेढा टाईम्स न्युज नेटवर्क ।

बारावीच्या परीक्षा निकालात मंगळवेढा तालुक्याची गुणवत्ता यंदा १२ टक्क्याने घसरल्याचे दिसून आले. गतवर्षी ९७.३० इतका तालुक्याचा निकाल होता. बारावी परीक्षेस बसलेले ८५.८४ विद्यार्थीच उत्तीर्ण झाले.

यंदा गुणवत्तेत मुलांपेक्षा मुलींनीच बाजी मारली. तिन्हीही शाखेतून मुलीच प्रथम आल्या. निकाल ऑनलाईन जाहीर होताच यशस्वी विद्यार्थ्यांनी व पालकांनी आनंदोत्सव साजरा केला. तालुक्यातून २ हजार ९४५ विद्यार्थ्यांनी परीक्षा दिली होती. त्यापैकी २ हजार ८९७ विद्यार्थी उत्तीर्ण झाले आहेत.

मंगळवेढा शहरातील श्री संत दामाजी महाविद्यालयाची कुमारी निकिता सुधाकर आवताडे ही ८८.१७ टक्के गुण घेऊन वाणिज्य शाखेमधून तालुक्यात प्रथम आली.

विज्ञान शाखेतून इंग्लिश स्कूलची कु.प्राची अर्जुन ओमने ८१.१७ टक्के तर कला शाखेतून अश्विनी दिलीप कोळेकर ७३.८३% ही प्रथम आली आहे. श्री संत दामाजी महाविद्यालय व इंग्लिश स्कूल यांनी यशाची परंपरा कायम ठेवली आहे.

२ हजार ९४५ विद्यार्थ्यांनी दिली. त्यामध्ये ४३ विद्यार्थ्यांनी विशेष प्रावीण्य मिळवले. ६६८ विद्यार्थी प्रथम श्रेणीत तर द्वितीय श्रेणीमध्ये १२७८ विद्यार्थी उत्तीर्ण झाले.

गुणवंत विद्यार्थ्यांचे आमदार समाधान आवताडे, भैरवनाथ शुगरचे चेअरमन अनिल सावंत, रतनचंद शहा बँकेचे अध्यक्ष राहुल शहा, अँड.सुजित बापू कदम यांच्यासह प्राचार्य, गुरुजन, पालकांनी अभिनंदन केले.

शाळानिहाय निकालाची टक्केवारी…

श्री संत दामाजी महाविद्यालय, मंगळवेढा ७५ इंग्लिश स्कूल ज्यु. कॉलेज, मंगळवेढा ७७.९६, इंग्लिश स्कूल, भोसे ८०,

आश्रमशाळा येड्राव खवे ९१.७५, एम. पी. मानसिंगका ज्यु. कॉलेज सोड्डी ९९.२०, आश्रम प्रशाला बालाजीनगर ९१.३७, विवेकानंद विद्यालय व ज्यु. कॉलेज गोनेवाडी ९५.३४, महासिद्ध विद्यामंदिर, डोणज ४३.३३,

हनुमान विद्यामंदिर मरवडे ९६.५५, कर्मयोगी श्री.ह.रा. कवचाळे ज्यु. कॉलेज, बोराळे ८०.७६, माध्यमिक व ज्यु. कॉलेज, अरळी ९०.०७, विद्यामंदिर हायस्कूल सलगर बु.९७.७२, बाळकृष्ण विद्यालय नंदेश्वर ९७.७७,

कै. दत्ताजीराव भाकरेमहाविद्यालय, आंधळगाव ९२.३०, शरद नगर ज्युनियर कॉलेज, मल्लेवाडी ६८.७५, विठ्ठलराव येलपले ज्यु. कॉलेज, येड्राव खवे ९९.५०, शारदा विद्यालय, पाटखळ ९७.९५ टक्के निकाल लागला. निकाल पाहण्यासाठी शहरात लगबग दिसून आली.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज