टीम मंगळवेढा टाइम्स ।
सोलापूर व माढा लोकसभा मतदारसंघातील मतदानाची मतमोजणी येत्या ४ जून रोजी सकाळी आठ वाजल्यापासून रामवाडी गोदामात करण्यात येणार आहे. निकालाची उत्सुकता सर्वांनाच लागली असून मोजणीच्या नियोजनाची तयारी प्रशासनाकडून सुरू आहे.
सोलापूर व माढ्याची मोजणी एकाचवेळी स्वतंत्रपणे वेगवेगळ्या ठिकाणी करण्यात येणार आहे. प्रत्येक विधानसभानिहाय १४ टेबलवरून २४ फेऱ्याद्वारे ही मैतमोजणी केली जाणार आहे. मतमोजणीचे नियोजन पाहता दुपारी एक वाजेपर्यंत संपूर्ण निकाल हाती येण्याचा अंदाज आहे.
सोलापूर लोकसभा मतदारसंघातील सहा विधानसभा मतदारसंघात १२ लाख १ हजार ५८६ तर माढा लोकसभा मतदारसंघातील सहा विधानसभा मतदारसंघात १२ लाख ६७ हजार ५३० जणांनी मतदानाचा हक्क बजावला आहे.
मतदानानंतर दोन्ही मतदारसंघातील इव्हीएम रामवाडी गोदामात स्ट्रॉगरुममध्ये कडक बंदोबस्तात ठेवण्यात आल्या आहेत. या इव्हीएमसाठी पोलिसांचा खडा पहारा आहे. याशिवाय सीसीटीव्हीचीही नजर आहे.
निकालाची उत्सुकता दिवसागणिक वाढत असून अनेक ठिकाणी पैजा लागत आहेत. सोलापूर मतदारसंघात १ हजार ९६८ तर माढा मतदारसंघात २ हजार ३० मतदान केंद्रे होती. प्रत्येक विधानसभा क्षेत्राची १४ टेबलवर मोजणी करण्यात येणार आहे.
त्यानुसार एका फेरीत ८४ केंद्रांची मोजणी होईल. यानुसार सुमारे २३ ते २४ फेरीत मतमोजणी पूर्ण होईल. प्रत्येक फेरीची आकडेवारी त्या त्या वेळी स्वतंत्रपणे जाहीर करण्यात येणार आहे.
सुरूवातीला पोस्टल मते मोजली जाणार आहेत. यात ८५ वर्षावरील ज्येष्ठ नागरिक, दिव्यांग, सैनिक व अत्यावश्यक सेवेतील कर्मचाऱ्यांच्या मतदानाचा समावेश आहे.
सोलापुरात काँग्रेसच्या उमेदवार प्रणिती शिंदे व भाजपचे उमेदवार राम सातपुते यांच्यात तर माढ्यात राष्ट्रवादी शरदचंद्र पवार पक्षाचे धैर्यशील मोहिते-पाटील व भाजपचे विद्यमान खासदार स्वतंत्रपणे जाहीर करण्यात येणार रणजितसिंह नाईक-निंबाळकर यांच्यात लढत होत आहे. यात कोण बाजी मारणार, याबाबत पैजा लागल्या आहेत.
सोलापूरची मोजणी जिल्हाधिकारी तथा निवडणूक निर्णय अधिकारी कुमार आशीर्वाद यांच्या नेतृत्वाखालो तर माढ्याची अपर जिल्हाधिकारी तथा निवडणूक निर्णय अधिकारी मोनिका सिंह यांच्या नेतृत्वाखाली करण्यात येणार आहे. मतमोजणी कर्मचाऱ्यांना एक दिवसाचे प्रशिक्षण देण्यात येणार आहे.
वाढीव मतदानाबद्दल काँग्रेसची तक्रार
मतदान संपल्यानंतर प्रशासनाने मतदानाची प्राथमिक आकडेवारी जाहीर केली. पुन्हा दुसऱ्या दिवशी अंतिम आकडेवारी जाहीर केली. या दोन्ही संख्येत तफावत असून याविषयी संशय आल्याने काँग्रेसचे निवडणूक प्रमुख, माजी आमदार प्रकाश यलगुलवार व शहराध्यक्ष चेतन नरोटे यांनी उपजिल्हा निवडणूक अधिकारी गणेश निहऱ्हाळी यांची भेट घेऊन तक्रार केली.
यावेळी निहाळी यांनी काँग्रेस नेत्यांच्या शंकेचे निराकरण केले असून त्यांना विधानसभानिहाय मतदान केंद्रावरील मतदानाची आकडेवारीही दिली. तसेच काँग्रेसच्या मागणीनुसार सीसीटीव्ही फुटेजही देण्यात येणार असल्याचे सांगण्यात आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
