मंगळवेढा टाईम्स वृत्तसेवा । जगात सुमारे १४० हून अधिक देशांमध्ये फैलावलेल्या करोना व्हायरसमुळे जगभरातील नागरिकांमध्ये चिंतेचे वातावरण आहे अमेरिकेतही करोनाचा संसर्ग झाला आहे.अमेरिकेत आजपासून करोनाच्या लसीवर चाचणी सुरू करण्यात येणार आहे.ही चाचणी यशस्वी ठरल्यास जगभरातील फैलावलेल्या करोनावर मात करता येणार आहे.
जगभरातील सुमारे एक लाख हजार जणांना करोनाचा संसर्ग झाला आहे. तर, सहा हजारहून अधिकजणांचा करोनाचा मृत्यू झाला आहे. अमेरिकेत ३७०० अधिकजणांना करोनाचा संसर्ग झाला आहे. तर, ६८ जणांचा मृत्यू झाला आहे. करोनामुळे अमेरिकेत याआधीच आणीबाणी जाहीर करण्यात आली आहे. अशा स्थितीत अमेरिकेत करोनाच्या लसची आजपासून चाचणी सुरू होणार आहे. अमेरिकेतील सरकारी अधिकाऱ्यांनी दिलेल्या माहितीनुसार, सोमवारी काही युवकांवर ही चाचणी होईल. राष्ट्रीय आरोग्य संस्थेने यासाठी निधी दिला असून सिएटलमधील आरोग्य संस्थेत ही चाचणी होणार आहे.
ही चाचणी प्रकृती ठिक असलेल्या ४५ युवकांवर करण्यात येणार आहे.ज्यांच्यावर ही चाचणी करण्यात येणार आहे त्यांना करोनाचा संसर्ग होण्याचा कोणताही धोका नसल्याची माहिती अधिकाऱ्यांनी दिली. ही चाचणी यशस्वी झाल्यास प्रत्यक्ष वापरास येण्यासाठी किमान एक वर्ष ते १८ महिन्यांचा कालावधी लागण्याची शक्यता असल्याचे अधिकाऱ्याने सांगितले. ही लस वापरल्यानंतर कोणते दुष्परिणाम होई शकतात यासाठी ही चाचणी करण्यात येत आहे. जगभरातील शास्त्रज्ञ करोनाला मात देणाऱ्या लसीवर संशोधन करत आहेत.
जाहिरात-
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
