टीम मंगळवेढा टाईम्स ।
मंगळवेढा तालुक्यातील मरवडे येथील कोरोना रुग्णांची वाढती संख्या लक्षात घेता गावातील सर्वांचीच कोविड तपासणी केली जाणार असल्याचे तहसीलदार स्वप्निल रावडे यांनी पदाधिकाऱ्यांच्या बैठकीत सांगितले.
कोरोनाविरुद्ध लढ्यासाठी मरवडेकर सरसावले असून गाव कोरोनामुक्त करण्यासाठी विविध उपाययोजना राबविण्याचेही यावेळी ठरले. मरवडे येथे गेल्या पंधरा दिवसात साठहून अधिक रुग्णांना कोरोना विषाणूच्या महामारीला सामोरे जावे लागले आहे.
सध्या पन्नासहून अधिक रुग्ण मरवडे येथील कोविड सेंटर व विविध खाजगी रुग्णालयातून उपचार घेत आहेत. याच कालावधीत मरवडे गावातील १० जणांचा विविध कारणांनी मृत्यूही झाला आहे.
प्रांताधिकारी उदयसिंह भोसले यांनी मरवडे गाव प्रतिबंधित करण्याचे आदेश काढले.मरवडे गाव प्रतिबंधित करण्यात आल्याने आज गाव कोरोनामुक्त करण्यासाठी बैठक घेण्यात आली.
या बैठकीस तहसीलदार स्वप्नील रावडे, गटविकास अधिकारी सुप्रिया चव्हाण, सहायक पोलिस निरीक्षक भगवान बुरसे, मंडलाधिकारी चंद्रकांत घाडगे, तलाठी मधुकर वाघमारे, आरोग्यधिकारी भीमराव पडवळे, राष्ट्रवादी काँग्रेसच्या अल्पसंख्याक सेलचे लतीफ तांबोळी, सरपंच सचिन घुले , स्वाभिमानी ग्रामविकास आघाडीचे गटनेते संजय पवार , प्रहार शेतकरी संघटनेचे प्रा . संतोष पवार आदी उपस्थित होते.
या बैठकीत गावातील कोरोना रुग्णांची संख्या पाहता गावातील प्रत्येक ग्रामस्थांची कोविड तपासणी करण्याचे ठरले. यासाठी पाच पथके तयार करण्यात आली असून यात ग्रामपंचायत सदस्य व आरोग्य यंत्रणेतील कर्मचारी यांचा समावेश करण्यात आला आहे.
वाढदिवसाचा खर्च टाळून चोखामेळा नगरमध्ये औषध फवारणी
कोरोनाचा वाढता प्रादुर्भाव लक्षात घेता मंगळवेढा शहरालगत असलेल्या चोखामेळा नगर येथील ग्रामपंचायतीचे उपसरपंच सुहास पवार यांनी आपला वाढदिवस अनोख्या पद्धतीने साजरा करत ग्रामपंचायतीच्या सर्व प्रभागांमध्ये औषध फवारणी करून दिली.
मंगळवेढा शहरालगत असलेल्या दोन मोठ्या ग्रामपंचायतीमधील चोखामेळा नगर ही एक मोठी ग्रामपंचायत असून सात हजार लोकसंख्या असलेल्या या ग्रामपंचायतीमध्ये कोरोना प्रतिबंधात्मक उपाययोजना करण्याच्या दृष्टीने ग्रामपंचायतीने आक्रमक पावले उचलली आहेत,
अशा परिस्थितीत उपसरपंच सुहास पवार यांनी आपला वाढदिवस अनावश्यक खर्चाला फाटा देत जवळपास १८०० लिटर औषधाची निर्मिती करून फवारणी करून घेतली आहे.
यावेळी रतनचंद शहा बँकेचे मॅनेजर शंकर वाकडे, दामाजी कारखान्याचे चीफ इंजिनिअर संजय भोसले, दिलीप हरपळे, श्रीराम शिंदे, शुभम शिंदे, प्रवीण शिंदे, मोहन जोंधळे, प्रभाकर कुमठेकर, रोहित भगरे, ओंकार भोसले, त्रिंबक चव्हाण, ग्रामविकास अधिकारी नागेश पाटील आदी उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
