टीम मंगळवेढा टाईम्स ।
राज्यातल्या पतसंस्थांच्या थकीत कर्ज वसुलीसाठी आवश्यक असणारा १०१ वसुली दाखला मिळण्याची प्रक्रिया वेगवान होण्यासाठी शैलेश कोतमिरे , सहकार आयुक्त व निबंधक , सहकारी संस्था महाराष्ट्र राज्य ,
पुणे यांनी महाराष्ट्र सहकारी संस्था आणि १९६० चे कलम १०१ अन्वये वसुली दाखला देताना अवलंबवयांच्या कार्यपद्धतीबाबत सुधारित सूचना बाबतचे परिपत्रक दिनांक १४ मे २०२४ रोजी निर्गमित केले आहे.
सहकारी पतसंस्था व बँकांची कर्जे वसुली होण्यासाठी सदरचे परिपत्रक महत्वाचे असुन १०१ अनवयेची प्रक्रिया गतिमान होण्यासाठी यामुळे मदत होणार आहे.
कर्ज वसुलीसाठी १०१ अनवये दाखला द्यावयाच्या अनुषंगाने संबंधित आस्थापनांना खालील प्रमाणे सूचना निर्गमित करण्यात आल्या आहेत.
१. दाखल १०१ प्रकरणांमध्ये त्रुटी नसतील तर असे प्रकरण दाखल झाल्यापासून तीन दिवसांच्या आत सुनावणी नोटीस निर्गमित होईल याची दक्षता घ्यावी.
२. संस्थेच्या १०१ प्रस्तावामध्ये त्रुटी असतील तर प्रकरण दाखल झाल्यापासून दहा दिवसाच्या आत त्रुटींची पूर्तता करून सुनावणी नोटीस निर्गमित होईल याची दक्षता घ्यावी.
३. प्रथम सुनावणीच्या दिनांक पासून तीन महिन्याच्या कालावधीमध्ये वसुली दाखला निर्गमित करण्याबाबत दक्षता घेण्यात यावी.
४. तीन महिन्यापेक्षा जास्त कालावधी झाला असल्यास त्याबाबतची लेखी कारणे आदेशामध्ये नमूद करण्यात यावीत.
५. जिल्हा उपनिबंधक यांनी दरमहा त्यांच्या आधिनिस्त सर्व निबंधकांचा वसुली दाखला प्रकरणाबाबत आढावा घेण्यात यावा.
६. कोणत्याही सबळ कारणाशिवाय सुनावणीच्या प्रथम दिनांकापासून तीन महिन्यांच्या आत वसुली दाखला निर्गमित करण्यात कसूर केली असेल तर अशा निबंधका विरुद्ध शिस्तभंगाची कारवाई प्रस्तावित करण्यात यावी.
७. विभागीय सहनिबंधक यांनी तीन महिन्यापेक्षा जास्त कालावधी करता प्रलंबित असलेल्या वसुली दाखला प्रकरणांचा दरमहा आढावा बैठकीमध्ये स्वतंत्र आढावा घेण्यात यावा आणि त्याची नोंद अधिकारी निहाय इतिवृत्तामध्ये घेण्यात यावी.
८. कार्यालय तपासणी करतेवेळी संबंधितांनी याबाबतची सद्यस्थिती त्याचे तपासणी अहवालामध्ये नमूद करावे.
९. जिल्ह्यातील नागरी/ ग्रामीण बिगर कृषी सहकारी पतसंस्थांच्या कलम १०१ /कलम १५६ /कलम १००-८५/ अपसेट प्राईज निश्चिती /वसुली विषयक अडचणी याबाबत जिल्हा उपनिबंधक यांनी त्या त्या जिल्ह्याच्या नागरी /ग्रामीण बिगर कृषी सहकारी पतसंस्था फेडरेशनच्या प्रतिनिधी समवेत तीन महिन्यातून एकदा एकत्र सभा आयोजित करून पतसंस्था पुढील अडचणी सोडवाव्यात.
या प्रमाणे संबंधित आस्थापनांना मा. श्री शैलेश कोतमिरे, सहकार आयुक्त व निबंधक, सहकारी संस्था महाराष्ट्र राज्य पुणे यांनी महाराष्ट्र सहकारी संस्था अधिनियम १९६० चे कलम १०१ अन्वये वसुली दाखला देताना अवलंबवयांच्या कार्यपध्दतीबाबत सुधारित सूचना परिपत्रक काढून निर्गमित केल्या आहेत. या मुळे निश्चितच वसुलीसाठी प्रक्रिया गतिमान होण्यासाठी चालणा मिळणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज