मंगळवेढा टाईम्स न्युज नेटवर्किंग ।
गॅस एजन्सींसमोर सिलिंडरसाठी गर्दी होत असून, गॅस कंपन्यांनी गॅस एजन्सीसमोर गर्दी होणार नाही, याची काळजी घ्यावी. एजन्सीच्या गोदामासमोर गॅस सिलिंडरचा पुरवठा करू नये.
त्याप्रमाणेच अवैध गॅस सिलिंडर विक्री करू नये, अन्यथा गॅस एजन्सींवर गुन्हे दाखल करण्यात येतील, असे आदेश जिल्हाधिकारी कुमार आशीर्वाद यांनी दिले.
जिल्हाधिकारी कार्यालयाच्या सभागृहात गॅस पुरवठा करणाऱ्या कंपन्यांच्या प्रतिनिधींसमवेत आयोजित बैठकीत जिल्हाधिकारी आशीर्वाद यांनी खडेबोल सुनावले.
यावेळी जिल्हा पुरवठा अधिकारी संतोष सरडे, अन्नधान्य वितरण अधिकारी ओंकार पडोळे, गॅस कंपनीचे जिल्हा समन्वयक रघुकुमार, ‘बीपीसीएल’चे वरिष्ठ अधिकारी प्रवीण यादव, ‘एचपीसीएल’चे सागर चव्हाण व आयओसीएलचे सागर गौतम उपस्थित होते.
साडेचार दिवसात घरपोचचा दाता प्रशासनाकडून करण्यात आला आहे. प्रत्यक्षात मात्र ८ ते१० दिवसांनंतरही गॅस मिळत नसल्याचे ग्राहकांकडून सांगण्यात आले.
साडेचार दिवसांत ‘घरपोच’चा दावा
गॅस कंपन्यांनी दिलेल्या माहितीनुसार गॅस पुरवठा वितरण यामध्ये सुधारणा होत आहे. ऑनलाइन बुकिंग केल्यानंतर सरासरी साडेचार दिवसांत घरपोच गॅस सिलिंडर पुरवठा केला जात आहे.
ज्या ठिकाणी बुकिंग झाल्यानंतरही गॅस सिलिंडर मिळण्यास जास्त कालावधी लागत आहे, त्या ठिकाणी जास्तीत जास्त गॅस पुरवठा करण्याचे निर्देश गॅस कंपन्यांना देण्यात आलेले आहेत.
नागरिकांनी अफवांवर विश्वास ठेवू नये
राज्यात पेट्रोल, डिझेल तसेच घरगुती एलपीजीचा पुरेसा साठा उपलब्ध आहे. त्याप्रमाणे सोलापूर जिल्ह्यातही पेट्रोल, डिझेल व घरगुती एलपीजीचा तुटवडा नाही. तरी जिल्ह्यातील नागरिकांनी अफवांवर विश्वास ठेवू नये. घाईघाईने खरेदी करण्याची गरज नाही. सर्वांना नियोजित वेळेत सिलिंडर मिळेल.-कुमार आशीर्वाद जिल्हाधिकारी, सोलापूर
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
