धक्कादायक! मंगळवेढ्यात एकाच दिवशी दोन तरुणांची आत्महत्या; कारण गुलदस्त्यात

टीम मंगळवेढा टाईम्स ।

मंगळवेढा तालुक्यातील बोराळे व ब्रह्मपुरी येथील प्रत्येकी एक अशा दोन तरुणांनी गुरुवारी एकाच दिवशी गळफास घेऊन आत्महत्या केली.आत्महत्येचे नेमके कारण समजू शकले नाही.

: – नीता ढमालेंच्या उमेदवारीने बदलतील पुणे पदवीधर मतदार संघाची राजकीय समीकरणे?

विशाल गजेंद्र चौगुले (वय.२४,रा.बोराळे) व कुलदीप ऊर्फ मुन्ना धनंजय पाटील (वय.३०, रा.ब्रह्मपुरी) अशी आत्महत्या केलेल्यांची नावे आहेत.

विशाल चौगुले याने दुपारी साडेबाराच्या सुमारास घरातील खोलीत छताच्या हुकला गळफास घेऊन आत्महत्या केली.भीमराव चौगुले यांनी येथील पोलिसांत खबर दिली.

तर कुलदीप पाटील याने गुरुवारी दुपारी दोनच्या सुमारास घरातील लोखंडी चॅनलला गळफास घेऊन आत्महत्या केली. संजय रावसाहेब पाटील यांनी पोलिसांत खबर दिली आहे.

दोघांच्या मृतदेहाचे शवविच्छेदन केले आहे. येथील पोलिसांनी कलम १७४ नुसार अकस्मात मृत्यूची नोंद केली आहे.सहायक फौजदार संजय राऊत व नाईक हरिदास सलगर तपास करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.