मंगळवेढा टाईम्स वृत्तसेवा:-
मंगळवेढा तालुक्यातील सलगर(बु) येथे ऊसाची ट्रॉली पलटी होऊन लक्ष्मी रामा कदम (वय.४१ रा.सलगर ता. मंगळवेढा) ही महिला ठार झाल्याची घटना आज बुधवारी दुपारी १.३० च्या सुमारास घडली आहे.
बातम्या व जाहिरातीसाठी संपर्क : 7588214814
याबाबत सविस्तर माहिती अशी की,सलगर येथुन साखर कारखान्याकडे क्र.एम.एच.६७५७ या ट्रॅक्टर मधून ऊसाची ट्रॉली भरून जात असताना सलगर गावातील वळणात चालकाचा ताबा सुटल्याने ऊसाची ट्रॉली पलटी होऊन महिलेच्या अंगावर पडली यामध्ये महिलेचा जागीच मृत्यू झाला आहे.
ही घटना समजताच घटनास्थळी पोलीस हवालदार शहानुर फकीर व बालाजी रेड्डी यांनी पाहणी केली आहे.
याबाबत सविस्तर वृत्त असे की साखर कारखान्याकडे ऊस घेवून जानारा अर्जुन महिंद्रा ट्रेक्टर (ट्रेक्टर नं एम.एच.४५ एस.६७५७) च्या पुढील ट्रेलर सलगर गावच्या कदम वस्तिजवळील वळणावर आल्यानंतर वाहन चालकाचे नियंत्रण सुटल्याने ट्रेक्टरचा टेलर पलटी झाला. या अपघातात रस्त्याने जाणारी शेतमजुर महिला लक्ष्मीबाई राम कदम हिच्या अंगावर ट्रेलर पलटी झाल्याने तीचा जागिच मृत्यु झाला.
दरम्यान सलगर बुद्रुक येथील वैद्यकीय आधिकारी डॉ अनिल गायकवाड़ यांनी मृत महिलेची तपासणी केली. तपासणीनंतर सदर महिलेला मृत घोषित करण्यात आले. या घटनमूळे एका गरीब शेतमजूर कुटूंबाचा संसार उध्वस्त झाला आहे. ही दुःखद घटना सलगर बुद्रुकमध्ये वाऱ्यासारखी पसरली.या घटनेनेनंतर सलगर परिसरातून हळहळ व्यक्त होत आहे.
रस्ता अरुंद असल्यामुळे या रस्त्याबाबत वारंवार तक्रार दाखल करूनही सामाजिक बांधकाम खात्याने दुर्लक्ष केले आहे. तसेच या रस्त्याबाबत अखिल भारतीय छावा संघटनेने 19 नोव्हेंबर रोजी रास्ता रोखो करून आंदोलन करण्याचे आवाहन केले असून सदर रस्त्याबाबत दुर्लक्ष केले जात आहे अजून हा रस्ता किती जणांचा बळी घेणार असे नागरिकांतून व्यक्त करीत आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
