मंगळवेढा टाईम्स वृत्तसेवा । मंगळवेढा शहरातील नागरिकांची गर्दी कमी करून कोरोना या संसर्गजन्य आजाराला अटकाव करण्यासाठी नगरपालिकेने शहरातील ढाबे,हॉटेल,वडापाव, पान व चहाटपरीधारक , चायनीज सेंटर,रसपानगृहे,कोल्ड्रींस हाऊस इत्यादी दि.31 मार्च अखेर बंद ठेवण्याची अधिसूचना न.पा.च्या मुख्याधिकारी पल्लवी पाटील यांनी एका प्रसिध्दीपत्रकाव्दारे काढली आहे.
कोरोना या संसर्गजन्य आजाराने सर्वत्र थैमान घातले असून मंगळवेढा शहर या आजारापासून सुरक्षित राहण्यासाठी जिल्हा आपत्तीव्यवस्थापन प्राधिकरण सोलापूर यांच्या आदेशानुसार कोरोना या विषाणूचा संसर्ग व प्रार्दूभाव रोखण्यासाठी शहरातील आठवडी बाजारसह ढाबे,हॉटेल,वडापाव,पान व चहाटपरीधारक, चायनीज सेंटर ,रसपानगृहे,कोल्ड्रींस हाऊस इत्यादी दि. 31 मार्च अखेर पुर्णतः बंद राहतील. गरज नसल्यास नागरिकांनी घराबाहेर पडू नये,शहरातील मुख्य ठिकाणे तसेच चौका-चौकात अनावश्यक गर्दी करू नये,सार्वजनिक ठिकाणी थुंकल्यास संबंधितावर नगरपरिषदेमार्फत योग्य ती दंडात्मक व कायदेशीर कारवाई करण्यात येणार असल्याचे प्रसिध्दीपत्रकात सूचित करण्यात आले आहे.
दरम्यान,मंगळवेढा शहरालगत असलेल्या दोन ग्रामपंचायतीच्या हद्दीत मोठया प्रमाणात ढाबे व्यवसाय असून येथे मोठया प्रमाणात नागरिकांची गर्दी असते.तहसीलदार यांनी येथील गर्दी नियंत्रीत करण्यासाठी अटकाव करावा अशी मागणी होत आहे.पोलिसांनी चोरून चालविणार्‍या जुगार अड्डे हे तात्काळ बंद करून येथील गर्दी कमी करावी अशी मागणी पुढे येत आहे.येथील गर्दीतूनही संसर्गजन्य आजाराचा प्रसार होण्याची शक्यता नाकारता येत नाही.
जाहिरात
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
