मंगळवेढा टाईम्स वृत्तसेवा:-
कुटुबासह शेतात हरडा खाण्याकरिता गेल्यावर देशमुख यांच्या घराचा कडी – कोयंडा तोडून घरातील रोख रक्कमसह सोन्या चांदीचे दागिन्यांचे चोरी झाल्याची घटना सदर बाजार पोलिस ठाण्याच्या हद्दीत घडली .
याबाबत अधिक माहिती अशी की , फिर्यादी विठ्ठल यशवंत देशमुख ( वय – ७४ ) रा . प्लॉट नंबर ४०१ दर्शन हाईट्स , दक्षिण कसबा चौपाड , सोलापूर हे कुटुंबासह त्याच्या शेतात मार्डी येथे हरडा खाण्याकरिता गेले होते . त्यादरम्यान कोणीतरी अज्ञात चोरट्याने त्यांच्या 1 घराचा दरवाज्याचे कडीकोयंडा तोडून घरामध्ये प्रवेश केला .
त्यानतर घरामधील ५० हजार रुपये किमतीचे २ . ५ ग्रॅम वजनाचे सोन्याचे मणी मंगळसूत्र , तीन हजार रुपये किमतीचे २०० वजनाचे चांदीचे २ समई व ४ निरंजन , दहा हजार रुपये रोख रक्कम असा एकूण ६३ हजार रुपयांचा ऐवज चोरट्याने चोरून नेला . ही घटना ८ फेब्रुवारी रोजी सकाळी पावणेदहा ते दुपारी चार वाजण्याच्या दरम्यान दर्शन , हाईट्स 1202800 चौपाड येथे घडली .
या घटनेची नोंद सदर बाजार पोलिस ठाण्यात झाली असून , या घटनेचा पुढील तपास पोलीस हेडकॉन्स्टेबल थोरात हे करीत आहे .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
