मंगळवेढा टाईम्स न्युज नेटवर्क।
सोलापूर जिल्ह्यातील बेकायदा वाळू या गौण खनिजांची चोरी रोखण्यासाठी भरारी पथक तैनात करावेत. चोरी करणाऱ्यांवर अधिसूचनेच्या तरतुदीनुसार संबंधितांवर दंडात्मक व फौजदारी स्वरूपाची कारवाई करावी, असे निर्देश सहायक जिल्हाधिकारी मनीषा आव्हाळे यांनी दिले आहेत.
उपविभागीय अधिकारी कार्यालयात घेण्यात आलेल्या आढावा बैठकीत हे निर्देश दिले. यावेळी अक्कलकोट तहसीलदार मंद्रुपचे अपर तहसीलदार, दक्षिण सोलापूरचे तहसीलदार, मंडल अधिकारी उपस्थित होते.
केंद्र शासनाच्या पर्यावरण, वन व वातावरणीय बदल मंत्रालयाने वेळोवेळी मार्गदर्शक सूचना दिल्या आहेत. सर्वोच्च न्यायालय, उच्च न्यायालय व हरित लवादाचे निकष यांचे अवलोकन करता गौण खनिजाच्या उत्खनन व वाहतुकीमुळे पर्यावरणाचा ऱ्हास होत आहे.
शासनाचा महसूल बुडत असल्यामुळे मोठे आर्थिक नुकसान होत आहे. अशा प्रवृत्तींना आळा बसविण्यासाठी विघातक कृत्यांना आळा घालण्याकरिता भरारी पथक नेमण्याचे निर्देश दिले.
बैठकीमध्ये अवैधरित्या होत असलेल्या वाळू या गौण खनिजाच्या उत्खनन, वाहतूक व साठ्याबद्दल आढावा घेण्यात आला.
दरम्यान, मनीषा आव्हाळे यांनी गौण खनिज चोरीची स्थळे शोधून काढण्याचे आदेश दिले. शिवाय त्या ठिकाणी मंडल अधिकारी, तलाठी, पोलिस पाटील यांच्या संयुक्त स्थिर पथके,
भरारी पथके तैनात करण्याबाबत निर्देश दिले. पथकाकडून गौण खनिजांची चोरी करणाऱ्यांवर दंडात्मक व मुद्देमाल जप्तीची कारवाई करण्याबाबत आदेश दिले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
